بسم الله الرحمن الرحيم
السلام عليكم ورحمة الله وبركاته
اسعد الله جميع اوقاتكم بالخير
هذي قصيــدة كآنت سبب بعد الله سبحانه في إعتآق شخص من القصآص
والقصه كما رواها لــي شاعر هذه القصيدة
الشاعر المعروف / مـحـمـد بـن ثـايـب الـرمـثـي الـشـهـرآنــي
يقول أبـو منيف أنه حصل خلآف بين شباب من قبيلته ( شهرآن ) وشباب من قبيلة قحطآن
فقآم أحد شباب قبيلة شهران بقتل أحد أفرآد قبيلة قحطآن ...
وبعد التحقيق والسجن لذلك القآتـل صدر بحقه صك يدينه ويثبت عليه حكم القصآص
فما كان من قبيلة شهران الا أن الفو على قبيلة القتيل ليطلبونهم في العفو لوجه الله ..
وقد استقبلوهم ذوي القتيل ولكن كان لهم طلبات كبيرة جــــداً ولعلها تعجيزيه (مقابل العفو )
فما كان من ابو منيف الا أن قآل هذه القصيدهـ وما أن قآل آخر بيت فيها حتى وقف والد
القتيل وقآل ( عفوت عنه لوجه الله )
إليكم القصيـــــدة
يالله يامـن يستجيـب ادعانـا=ياعالـم الجهـرا ومـا يخفانـا
ارحـم تجمعنـا وبـارك فيـنـا=وزكّنـا ياخيـر مــن زكـاّنـا
وأصلح سرايرنا وخفـف عنـا=وأغفر ذنوب أمواتنـا وأحيانـا
وانصر حكومتنا وعـز الحاكـم=فـلا يعـز إلا أنـت يامـولانـا
ولا تعز أعداك وأعـداء دينـك=عبـادة الأصـنـام والأوثـانـا
وانزل علينا من بركـات السمـا=ولا تؤاخذنـا بكـثـر أخطـانـا
واجمع قلوب الناس وألف بينهـا=واطف الخصام واصلح الشبانـا
هذا وأنا مانيب نايد ولا أجنبـي=منكم وفيكـم والجميـع إخوانـا
كثر الكلام ومـن حضـر تكلـم=وكلٍّ هرج في ذا المجال إلا أنـا
فحبيت أشارك باسم حاضر قبايلي=قبايـل مثـل الـدبـا الحنـانـا
ما كنهم الا في قرين اوفى منـى=يدعون رب البيت فـي الغفرانـا
ماني بنادرهـم لكـن شاعرهـم=ولسانهـم لاعـد كـل لسـانـا
فاقول ماقال الامام ابـن تيميـة=الحـجـة العـلامـه البرهـانـا
نعوذ بالله من شـرور أنفوسنـا=وسيئـات أعمالـنـا واهـوانـا
واقول ماقـال الامـام الشافعـي=عسـى مهـوده جنـة الرحمـنَ
ابليس والدنيا ونفسي والهـوى=وين الخـلاص وكلهـم أعدانـا
واقول ماقـال الفحيـل البوادنـه=للباشـه سليمـان ياسليمـانـا
لانعطي الجزية ولانقبـل الجـزا=ولـو نمـوت ويرملـن نسانـا
اما نعيـش وروسنـا مرفوعـه=والا نمـوت وحقـنـا ماجـانـا
موت الشرف ولا حيـاة الهانـه=هـذي عوايدنـا وذا مبـدانـا
واقول ماقال ابن متـرك شـارع=لاخـوه راعـي سلـه وسنانـا
لاتظلم الشاقي ولا تاكل الشقـى=او تطرد الحنشل مـع الريعانـا
واقول ماقـال اليتيـم السلولـي=(واوي) والله كـثـروا اليتمـانـا
لولا شيمنـا ماعصبنـا روسنـا=ولا رهنَـا للـرجـال لحـانـا
اما الخصايـم فالخصايـم تاتـي=وتصير بيـن الأهـل والاخوانـا
فالعلم خيـر وعافيـة وعفاكـم=ياهـل مقـام سرنـا واسـلانـا
ونخصـك بمارودنـا يالحمالـي=لانـك معزبنـا فــلا تجفـانـا
جيناك نطلـب حاجـة معلومـة=لا هيـب تجهلكـم ولا تخفـانـا
ولولا غلاكـم ماجمعنـا القبايـل=يا اخواننا الغاليـن يـا اشقانـا
فحق عليكم ان تقبلون اعذارنـا=وحـق علينـا مانـروح ورانـا
تواجهوا الجهال في غير موعـد=ثـلاثـة رابعـهـم الشيطـانـا
فلا حضرهم عاقـل فـك بينهـم=ولا شهـد لفـلان ضـد فلانـا
فلا هو بمرضيكم ولا هو بودنـا=أمـر كتبـه الله وصـار وكانـا
فالاوله مـن انتـوا ومـن حنـا=ربـع ورفاقـة ماحـن بعدوانـا
أنتوا لنا وانا لكـم فـي الدنيـا=والاخـرة الاعمـال بالميـزانـا
والعفو عند المقدرة شيمة العرب=واصل العرب قحطـان ياقحطانـا
صلح عوج ولا شـروع سمحـه=والصلح خير وفايدة يـا اخوانـا
ولكم علينـا خصهـا وامثالهـا=فــي دم والا ذم والا شـانــا
فوالله لو انهـا علينـا صايـرة=ثم انكـم لفيتـوا مثـل ملفانـا
ان ندمح ونسمح ونقبل عذركـم=وانتوجـه بالعفـو والسمحـانـا
هذا وصلى الله على سيد البشـر=نبينـا اللـي جــا بالقـرانـا
وهذا ولكم خالص تحياتي
مغليكم .. فراج بن عـــون
آخر المواضيع
قصيدة اعتقت شخص من القصاص 
رد : قصيدة اعتقت شخص من القصاص 
