يللي تنادي تطلب القاف و البيـت=أنت القوافي كلها و أنـت سيـده
جتك القوافي فازعة يـوم ناديـت=متزينة في صورة أحلـى قصيـده
في صدرها اسم الولي يوم سميت=و بعجزها أشكر عطـاه و مديـده
و بمنتها أثني على ذايع الصيـت=قرم على كرب المصايـب وليـده
لا هيب الخواف نـزر العناتيـت=يروي شفاته من علابى ضديـده
من مخمسة ذاق العدو كاس حلتيت=عقب الطمع و الجيد أشقاه جيـده
هو عزوتي في شدتي لا تعزويـت=لا من غدت كل الهقـاوي بعيـده
يضحك حجاجه كل ما قلت يا ليت=كم عطوة تسبق لساني من ايـده
لا تحسبني يـا خـوك تناسيـت=صوع اليدين الوارفـات الزهيـده
ما يجحد المعروف الا ولد هيـت=اللي على كثر العطـا مـا يفيـده
شعر \ مطلق العدواني
آخر المواضيع
قصيدتي (مطلق العدواني) 
