بسم الله الرحمن الرحيم
السلام عليكم ورحمة الله وبركاته
اسعد الله جميع اوقاتكم بكل خير
قصيدة (ريالين اتصال ) قصيدة اشتهرت وعُرفت لدى الكثير من محبي الشعر
طبعاً القصيدة للشاعر المبدع / مـدغـم ابو شيبـه .
وقد قآم الشاعر الكبير ضيدان بن قضعان بمجاراتها مؤخراً
إليكم القصيدتين
~~( ريالين اتصال )~~
للحـزن ساحـاتٍ بصـدري مثـل ساحـات القتـال=فيهـا الاصيـل مـن المـهـار تـعـوّد بخيالـهـا
ولا يطفـي حـر مابـي مـن حرايـق وأشتـعـال=الا الدمـوع اللـي مـن عيونـي يـهـل هلالـهـا
لازال فيـهـا دمعتـيـنٍ لـلـفـراق ولاتـــزال=ذكـرى هنـوفٍ كـل يـوم أحطّـهـا وأشتالـهـا
راحـت عسـى الله مايلحقنـي مشاريـه الـرجـال=تقـول كنّـي ماخلقـت مــن الـتـراب الاّلـهـا
عـزّ الله أنّـي مانسيـت أفعالهـا بنـت الـحـلال=لـعـل ربــي مايجازيـهـا بـسـو أفعـالـهـا
أكبر جريمـه ترتكبهـا فالهـوى مـن وسـع بـال=هــذي ضحايـاهـا بقلـبـي شـيـدوا تمثالـهـا
وشلون تهجرني وأنا مالـي علـى الهجـر أحتمـال=وشلـون تهملنـي وأنـا مانيـب أطيـق أهمالـهـا
وشلـون تقطعنـي بسيـف البعـد قطّـاع الوصـال=وأنا لـو أقطـع عـرق قلبـي ماقطعـت اوصالهـا
وشـلــون ماتشتاق,,ماترحم,,ماتذكر,,مـاتـسـال=وشـلـون ماتطـلـق يـديـنٍ كبـلـت بأغلالـهـا
وشلـون مايطـري عليـهـا لاتفـيـت فالـظـلال=متشـبـثٍ لاوقـفـت جنـبـه قـعـد بظـلالـهـا
مكسور خاطر والسوال أعـووووذ مـن ذل السـوال=يامـا أنتظـر مـن بـرج هاتفهـا يبـث أرسالهـا
لكـنّ مـال الآدمـي حيلـه لامـن الـحـظ مــال=الميلـه اللـي فـال ربـي خيـر لـه مـن فالـهـا
هي افقدتنـي مـن هنـا .. وأنـا فقـدت الاتصـال=مـن يــوم راحــت لارسايلـهـا ولا جوالـهـا
ياقسـوة الايــام والـحـظ الــردي والاتـكـال=علـى مقولـة ( للمواقـف والـلـزوم ارجالـهـا )
يالله دخيلـك مـن تردّايـة نصيـب وشيـن فــال=مـن حيـرة آمـري ليـت عنـدي حيلـةٍ وأحتالهـا
أن أرخصت قدري وطاحت قيمتـي والهجـر طـال=قولولـهـا تـتـرك مكابـرهـا وتـاخـذ بالـهـا
أنا من اللي فوق .. فوق و فوق .. فوق و عال .. عال=تركـد ويركـد عمّهـا معـهـا ويـركـد خالـهـا
لاوصـلـت للـحـد هــذا لانـقـاش ولاجــدال=تبـعـد وتنـكـف الامــور دقاقـهـا وجلالـهـا
لو المفارق صعب والنسيـان ضـرب مـن الخيـال=ارخـاي راسـي لايــروق الـهـا ولايحلالـهـا
احفـظ لهـا قيمـة غلاهـا وأنتظرهـا مـن شمـال=وإذا نستـنـي هــذي الدنـيـا وهــذا حالـهـا
أمّا أني أنساها .. نسـى الله مـن نسـى ذاك القبـال=يااااا صـبّ روحـي صـب دلتّهـا علـى فنجالـهـا
قولولهـا لاستخسـرت فينـي ريالـيـن أتـصـال=تهـدي علـى ( جمعيـة الصـم البكـم ) جوالـهـا
مجاراة الشاعر ضيدان بن قضعان لقصيدة ريالين اتصال
~~( قـدر وجـلال )~~
عزّ الله أنّي مبطيٍ ما أوحيت من غرّ الجزال=قصيدةٍ تبري خوى راسي واقـوم ابرالهـا
إلين لدت شبح عيني غصب وأغراني جمال=اللوحه اللي تسجد الريشه علـى صلصالهـا
رسامها ماكان (سلفادور) أو كـان إحتمـال=دوبي لمحت البارحه برقه .. وعيني يالها..
من عين لايمكن تلد الشبح في لعب العيـال=تشبح كثيـر أسمـاء وتقراهـا ولاتقرالهـا
واليوم لو ماحب (ابوشيبه) ولاابغي له مجال=غصبٍ علي أثني عليه إليا حصـل مجالهـا
أنشهد أنّه صاغ له من هاي هاي وعال عال=قصيدةٍ تسوى دواويـن (الربَيَـع) الحالهـا
قصيدةٍ دشت مزاجي غصب مافيها جـدال=تقول أنا من رتب اللولـو علـى سلسالهـا
وأنا القصيده لااعجبتني ما التفت لقيل قـال=والرابح اللي يجزي الحسنه بعشـر أمثالهـا
حقٍ علي أعيدها وآقف لهـا قـدر وجـلال=وأقول : صح الله لسان الشاعر اللي قالهـا
فالكم الطيب
مغليكمـ / فراج بن عون
آخر المواضيع
بن قضعان يجاري قصيدة(ريالين إتصال) 
