هذه القصيدة موجهه الي صاحب السمو الملكي الأمير سلمان بن عبد العزيز
أمير منطقة الرياض حفظه الله ورعاه
سلام يا حاكم ومن روس حكام=سلام مني عد وبل المخيله
بوجودكم يا سيدي عزالأسلام=والله يمهل لك سنين(ن)طويله
يا أبو فهد شوفك دوي كل الأسقام=غيث الوسم وأن هل برض(ن)محيله
يا أبو فهد نشكي لكم جور الأيام=غير الولي ثم أنت ما نشتكي له
يا أبو فهد والكرب والضيق هدام=أنا دخيلك يا مزبن دخيله
يا أبو فهد(000) في الليل ما نام=ضاقت عليه وساهر(ن)طول ليله
قلب العناء زادت هواجيسه أوهام=يا كن في صدري سوات المليله
يا أبو فهد صبرت عام(ن)وري عام=والحمل زاد ولا قدرنا نشيله
أنجود من جودك وللرزق قسام=نفحات جودك ما تجي مستحيله
نفحات جودك تبري اوهام الأجسام=تشفي بعد كل النفوس العليله
فيك الكرم والحلم عزام جزام=راس كما ترسي الجبال الطويله
أنت الشجاع اللي كما الليث ضرغام=شهم الرجال اللي فعولك جليله
لا عنتر العبسي ليا قام بحسام=ولا حاتم الطائي بعصره وجيله
مالك مثيل(ن)في الحقيقه والأحلام=وافي وحلحيل(ن)بحيل(ن)وحيله
حكيم صائب رائ للكود مقدام=عادل وشيال الحمول الثقيله
يا أمير من جاء لك من الضيم منضام=تفرج لكرباته وضيمه تزيله
وأن جاتك الصعبات حازم وصرام=تحلّها يا أمير بهوّن وسيله
يا الحاكم اللي للوطن سور وحزام=يا عز نجد وعز من يلتجي له
فيك الخصال الطيبه تاج ووسام=عاداتكم تبقي لشعبك جميله
ما دام غير الصدق يا أمير ما دام=والمدح يكفي عن كثيره قليله
لو أستمر المدح جف(ن)الأقلام=كل(ن)علي ما قيل عقله دليله
وعداد من صلي الفريضه ومن صام=صلاة ربي عد وبل المخيله
علي الذي وضح لنا دين الأسلام=المصطفي المختار راعي الفضيله
آخر المواضيع
سلام يا حاكم ومن روس حكام 
