>>>ساعي ٍفي حبكم مثل اليهال<<<

يا هواي وشوق قلبـــي والنظـــــير=والفـــرح في دنيتي بعد الضــلال
يا صباي ونشوتي وسط الضمـــير=يا شفا عوقــي من ثقيــل العـــلال
زارني طيفــــك وأنا حالي خطــير=جــدد طعوني وادعـاني بعضــــــال
شاقني لحــــن المطايـا والمســـــير=في هواكــم ساقني من غير بــال
همـت في حبك ولا لي من مجــــير=و العضـيد اخلف وخلاني بــزوال
انشــد اللـــي مالنــا غيــره ذخــــير=يلطف بحالــي ويعطيني مجـــال
ابــدع بحسنـــه وخــلانــي سهــــير=وماغفـت عيني على مـر الليـال
شـــدني صـوبه جمــالٍ لـه مثـــــير=ينـزع فـوادي ولا يعـرف محال
له مطيــع وغــاديٍ مثل الضريــــر=لي مشـى ماعرف درب المنــال
روف بمــودك تــرا حالـــه مريـــر=ماسـلاك ولوبعـد طـال المطــال
فـي الهـوى صابرْ وباحـث المســير=ولك مجــدٍ في ديـارك بالســؤال
مــا أبــالــي صغيـرهــم ولا كبــــير=وباخـذ علومك وأخبارك بنــال
وللهـــوا في حبكــم بصبــح خبــــير=ومن العلـوم قصارها ولاطوال
مــا يلام القلـب وانتـــه لــه خشــــير=ساعي ٍفي حبكـم مثـل اليهـــال