يمكن يجيك العز هيلٍ بلا كيل=غصبٍ على ناسٍ كثيرٍ غضبها

مجد الحساني في وجوه الرجاجيل=أبلغ معان النفس واعلا رتبها
الى بذلت الجاه ما قالوا بخيل=والمال بذله من مقادم وجبها
علق رجاك بكايدات المناويل=واحسب حساب المقبلات بعطبها
باكر على وضح النقا يطلع سهيل=ويكذب الحسّاب والخلق نبها
العجل مايصبر على الحط والشيل=تقلبه الايام والا قلبها
لادم سيل النو لاتنطح السيل=والمقفيه لاتعترض في سببها
المترفات الضارية بالمواصيل=أحذرك لاتنجرف مع عجبها
يمكن يجيك العز هيلٍ بلا كيل=غصبٍ على ناسٍ كثيرٍ غضبها
قوم ابرهه ما فادهم قوة الفيل=شبّولهم نارٍ وصاروا حطبها
أرسل عليهم ربنا طير أبابيل=أفنى جنودٍ تغدي اللي حسبها
ابعد عن اللي يزرعون العراقيل=ويوشحون المغديات بذهبها
تبي نخل بغداد يشرب من النيل=منابعه من روس منداه جبها
ولا تقول الهرج من غير تدليل=أضغان خلق الله سريع ندبها
كم واحدٍ ياقع بفخ المحابيل=يبي الطماعة والمخاطر جنبها
مخاطرٍ تولد كبارٍ وهي حيل=خلك حذر لاتعترض في نشبها
ولا تحلل ضايع الهرج تحليل=تبلش بكذبة كاذبٍ ما كذبها
وصبرك على الاحداث لويطول الطيل=ادراك غاية مفختٍ ما قضبها
الفايت اللي فات ما يدركه ويل=والحاضر امجاده لحيٍ خطبها
كبّل شفوف النفس بالصبر تكبيل=الشمس ماحيً بكفه حجبها
تركيبة ايامك على العدل والميل=سنة حياةٍ كلنا في طلبها
أحدٍ قناده راهي البن والهيل=وأحدٍ قناده شربةٍ ما شربها
من دونها يومٍ تطارد به الخيل=في ساعةٍ ياحظ منهو كسبها
وأحدٍ يدور زود مال ومحاصيل=ويموت ووصات العمر ماكتبها
وأحدٍ شفاته بالليالي المقابيل=يبي المراجل مايهمه تعبها
وأحدٍ عليه من الليالي مداخيل=يغطي مداخل لهبةٍ له نهبها
تلعب بنا الايام جيلٍ بعد جيل=موارثٍ يلحق بها من عصبها
خل الامل بالرب منش المخاييل=وتشوفها كان الولي لك وهبها
ولاتخل النافلة تالي الليل=بر النوافل دايمٍ في رجبها

تبي نخل بغداد يشرب من النيل=منابعه من روس منداه جبها
ولا تقول الهرج من غير تدليل=أضغان خلق الله سريع ندبها
ولا تحلل ضايع الهرج تحليل=تبلش بكذبة كاذب ماكذبها

ياشعر وقف للكرم وللكريمين ....... اجلال واحترام لكل العشاير .

وخص منهم بدو ديرة فلسطين ..... ولبير السبع تحديد مني بشاير .

اربع قبايل على الراس والعين...... ليهم تحياتي بصدق المشاعر .

وأنا انتمائي ياعرب للترابين ........ ربعي وان دارت علي الدواير