يقول حمد
ماجيت منك وخاطري فيك يالشيـح=ما جيت منك الا وانا خالـصٍ منـك
طرت على قلبي طواري المراويـح=للديره اللي شوفها يعوضنـي عنـك
قال الشيح
الله اكبـر كـن مالـك مسـاريـح=بفياضنـا ذي جـرتـك ذا تفنـنـك
ماكـن مريتـو قنـوصٍ مصابـيـح=من كثر صيدي عقب الامحال مسمنك
قال حمد
ودعـت بـك ربـعٍ كـرامٍ مفاليـح=بعيونهـم عشـقٍ قديـم لمواطـنـك
وانا دموعي مثـل دمـع التماسيـح=يا موطني يالله عسى الخيـر يسكنـك
قال الشيح
يرزقني اللي منشي السحب والريـح=وبـلٍ يخلـي كـل روضٍ يجننـك
واللي قعدوا عندي عساهـم مرابيـح=فقعٍ وصيدٍ وانت يالعجـل ماارعنـك
قال حمد
يالشيح دوك ايدي شهـبٍ مجاريـح=من قو بـردك نشعلـك ثـم ندفنـك
ولالقيت ابـك الدفـا وهبـة الريـح=كـم ليلـةٍ ازرت ظلوعـي تزبنـك
قال الشيح
مثلك يبي رمثٍ وبيضٍ صحاصيـح=يـا ذا المسافـر تـو بينـت معدنـك
روح..وباكـر لالفيـتـو مشافـيـح=والله لادسس كـل ماتشتهـي عنـك
قال حمد
يالشيح ماقصدي ملل يوم انا اصيـح=يالشيح شوق لديرتي وانت ماازينـك
يطري علي (خالد)عقب وقفة الريـح=واهـل دمـعٍ لـو تحسـه يحزنـك
انا اتحضـن وهـم وافـز واطيـح=وانت السحاب وكل نجمه تحضنـك
آخر المواضيع
محاورة حمد السعيد والشيح .. 
