أنا أبدوي ثوبي على المتن مشقوق..ومثل الجبال السمر صبري ثباتي
12/03/2007, 08:11 مساءً
بسم الله الرحمن الرحيم
السلام عليكم ورحمة الله وبركاته
يابنت أنا للشمس..في جلدي أحروق
وعلى سموم القيض..تزهو حياتي
أطرد سراب اللال..في مرتع النوق
ومن الظماء يجرح لساني لهاتي
عاري الجسد..والليل هتان وأبروق
دفاي أنا والبرد سمل العباتي
لاجاء الربيع-أنبت خزاما ورقروق
وكأنه دهر..تيبس فيافي حياتي
وإن عذربوني بعض..خلانك أصدوق
يابنت أنا عشق الخلا من صفاتي
وأنا أبدوي..ثوبي على المتن مشقوق
ومثل الجبال السمر..صبري ثباتي
ومثل النخل أخلقت أنا..وهامتي فوق
ماعتدت أنا أحنى قامتي إلا فصلاتي
وإلي أفتخر بأفعال ينماه مخلوق
يابنت أنا فعلي..أشهوده عداتي
الله جعلني..وكلمة الحق بوفوق
ملكت الأرض..ورأس مالي عصاتي
قصيده مشهورة ومعروفه لدى الكثير من جمهور الشعر
ولكن السؤآل / من هـو قآئـــل هذه القصيدة ؟؟؟؟؟
قال لي أحد الزملاء أنها لصاحب السمو الملكي الامير الشاعر بدر بن عبدالمحسن
وهـنــــآك مـن يقول أنها للشاعر خلف بن هذآل .
وغيرهم شعراء كثير نسبت إليهم هذه القصيدة
اتمنى ممن يعرف قائلها أن يزودنا بإسمه وله جزيل الشكر
فالكم الطيب
دفاي انا والبرد سمل العباتي مستحيل يكتبها الشاعر خلف بن هذال
مو تقليل من قدر خلف لانه بحر ماله قاع في الشعر
بس كل شاعر وله اسلوبة وطريقتة
اررررررررررحب يا البدو
لاهنت على الايضاح وبيض الله وجهك
أنا كنت مستبعد أنها تكون لخلف أو غيره من الشعراء اللي ذكروا لي
ولاهو قصور فيهم
مشكوور على تواجدك وتعليقك
فالك الطيب