أكــره غيابــك

قالت تضيق أن غبت بالحيل قلت أيه=أكـره حياتـي كلهـا فـي غيابـك
وشلون وأنتي قلب (خالد) ملكتيـه=أكيد نبضـه يختلـف فـي ذهابـك
قالت صحيح..؟وقلت ياغايتي ليـه=ماتعرفيـن أنـي أمـوت بجنابـك
أعشق وصالك وأكره الهجر طاريـه=وأعيش لحظات الغلا فـي رحابـك
والليل في ذكراك تطـرب مساريـه=ويشوقني بالحـب لحظـة عتابـك
والقلب لو بيـدك جرحتيـه منّيـه=ماقول غيـرإلا هـلا مرحبـا بـك
القلب وعيوني وروحـي وراعيـه=كلهن رصيد مسجّـل فـي حسابـك
يفداك من تمشي على الأرض رجليه=ويفداك من ذاق الغلا واعتزى بـك
قالـت حبيبي,,وقلـت لبّيـه لبّيـه=لبّا الخدود اللي زهت فـي شبابـك
قالت أحبك والغـلا شـف مواريـه=وسط العيون السود يشكي عذابـك
أنت الحبيب وباقي الناس مـا بيـه=أموت في لامـاك وأعشـق ترابـك
الحب في عيونك غرقـت بموانيـه=والشوق وقّف بي على حـد بابـك
ولو تلحق الشرهه حبيبي مشاريـه=مابيع حبّك دام قلبـي رضـى بـك
ميرالدلـع مابيـن غالـي وغاليـه=أنـا أدرى أنـه مايزعّـل جنابـك
قلت الدلع والزيـن عنـدك مباديـه=والعشق يحيا لأرتوى من سحابـك
يااللي ورود الحب فينـي زرعتيـه=وأنا كتبت الشـوق داخـل كتابـك
لين الغلا من نهـر حبـي سقيتيـه=وأحيا بساتين الغلا وأرتـوى بـك
يافرحة الحاضر بنكهـات ماضيـه=أكـره حياتـي كلهـا فـي غيابـك