ROZY
أحداث هذه القصه واقعيه ربما قد يتعجب البعض منكم وينظر إليها من منظور ضيق وقد يضحك البعض ولكني لم أكتب هذه القصه إلا من واقع قد عشت أحداثه لحظه بلحظه.
مرَ عليها 9 سنوات ونصف تقريبا ...
أفضل أن أسرد عليكم القصه باللهجه العاميه ربما تكون أقرب في إيصال المعلومه لكم.
... يوم كنت صغيره يعني تقريبا كنت بالصف السادس كنت اعشق واهوى شي اسمه قطاو .فمره قلت ليش ما أربي لي قطو؟؟؟
ففعلا رحت ويبت قطو _لا تسألوني منين يبتيه هالقطو ههههه لانهن ماشاءالله تارسات الحاره من كثرهن يعني مايبالهن تدويره هههه_
المهم يبت قطو لكن عاد شو قطو ؟ ماشاءالله عليه.. يكفيكم شعره الذهبي الممزوج باللون الابيض بس شكله يجنن ...كان كيووووت هالقطو بصراحه ...
حبيته وااااااااايد بشكل ماتتخيلونه كنت أحافظ عليه أكثر من عيوني,حتى أني كنت
أتنرفز لما حد م اليهالوه يصكه ويشيله بطريقه غلط لانها اصلا طريقة الشل يوم يشلونه طريق غلط فتزعج القطو وانا عاد كله ولا حد يزعجه بروحي أضيج
_لو ولدي ماسويتله جيه يمكن ههه_ بس صج كنت أضيج ...
عاد تعالو بالمدرسه ماشي تركيييز كل العقل مع القطو وين راح منو يلاعبه .أكل ولا لا, شرب ولا لا, حد يضيجه ولا شو, كنت صج اهلوس وأحاتي وانا بالمدرسه
كان يوم يضرب جرس الحصه الاخيره اكون واااااااايد مستانسه برجع البيت وباهتم بلولو _ اوووه اسمحولي ماعرفتكم على اسمه _ اسمه لولو...
المهم وبيوم م الأيام قالت أختي أنها تضيج بروحها تقعد بالسكن لأنها كانت تدرس بالكليه وكانت تبا حد يونسها ,فياتني وقالتلي بطلب منج طلب , أدري انه صعب بس شسوي ابي حد يونسني بالسكن, أقعد بروحي ولاأنيس ولاونيس ,قلتلها أنزين والمطلوب مني يعني,, جان تقوللي أبا اشل عنج لولو وياي الكليه وأوعدج أني ارجعه لج سليم ومعافى ...أنصدمت صراحه وقلتلها لاااااااااااااا مستحيييل اعطيج اياه تشلينه عني اخاف عليه من القطاو هناك بياكلونه.. قالتلي لاتخافين انا بداريبه وكل شي بس انتي قولي هيه وموافقه .. ترددت وااااااايد بقراري .. قرار صعب بصراحه..
بالنهايه قلتلها خلاص شيليه بس الله يخليج أكليه وشربيه ولا تخلينه يطلع ويا القطاو بعدين بيتوه ولا بياكلونه القطاو الاكبر عنه ... قالتلي ماعلييج بحطه بعيوني...
استسلمت للأمر الواقع وشالته أختي الكليه .. كنت كل يوم أكلمها عسب أطمن ع القطو وعليها خخخخ .
كانت تهتم فيه واااااايد, تأكله وتشربه يعني مب مقصره وياه أبدا...
ومرت الأيام و لولو بعيد عني..
وبيوم من أيام الدراسه كانت أختي رايحه الكليه بعد ماتريقت وريقت لولو وياها
وراحت الكليه بعد مااطمنت عليه وبعد ماخلته بمكان أمن يعني ماينخاف عليه وكان دوام
أختي ينتهي تقريبا الساعه أربع العصر .. فمره كانت راجعه السكن وهي تمشي
بباحة السكن ماتشوف جدامها إلا قطرات دم ..هنيه خافت أختي وقام قلبها يدق بشكل فضيييع وكل ماتخطي خطوه وهي تقول يارب سلم يااااااااااااااااااااااارب ..
فجأه إلا وأختي تصرخ صرخه كبيييييييييييره وقعدت ع الارض وقامت تصيح
لا لا لا لاااا مستحيييل كله ولا لولو كله ولا لولو شو بقول احين لاختي الصغيره يالله شو سويييييت انا شووووووو؟؟؟؟
مات لولو وكلنه القطاو تخيلو من بشاعة الجريمه أنه كان مذبوح تقول ذبيحه , راسه مفرور صوووب وريله صوووب والقفص الصدري بروحه صوووب ....
دخلت اختي حجرتها تصييييييح اللايمه فيني و م اللي شافته ,ترا لاتتحرون أنه اللي شافته هين والله انه مب هين والله.
يانها ربيعاتها عسب يدرسن وياها وهي حالتها حاااااااااااله
قامو يطقون عليها الباب وهي تصيح مب قادره تدرس وبالزوور لين فجت الباب عنهن.. قالولها بلاج تصيحين حد ميت لاقدر الله ؟؟؟
قالتلهم لا ..قالولها عيل شو الساااالفه؟؟
قالتلهم تعرفون القطو اللي يبته وياي من أيام؟
قالن هيه
قالتلهن كلنه القطاو , واحين اختي بتسويلي عزا بالبيت وأنا واعدتنها اني احافظ عليه وأداريبه واحطه بعيوني وانا أهملته وماعرفت اشقايل اداريبه وأحميه من القطاو ..
قالتلها وحده من رفيجاتها لاتزعلين ولاتحطين بخاطرج أنا بالبيت عندي قطاو ومب أي قطاو _غراشيييييييييييييب_
المهم يابت البنت القطوه لاختي واختي دقتلنا البيت وخبرتني السالفه وانا طبعا ماقصرت سويته العزا وقمت بالواجب وزود هههه سويت مناحه هاك اليوم أسمني.
المهم ..وصلت أختي من الكليه وكانت شايله امبين ايدينها قطوه عجيييبه
كان لونها يميل للرمادي الهادي والابيض, وعيونها الخضرا, وكان اسمها روزي...
صحيح كنت حزينه بس القطوه اللي يابتها اختي نستني الحزن ..
لاتفكرون أنه القصه انتهت بالعكس احين بتبدي قصتي ويا القطاو....
أول ماوصلت القطوه زاغت ياحليلها كانت مستغربه م المكان والناس
ففلت عنا وكانت الدنيا ليل بس الله وكيلكم اني ربعت وراها لين مازخيتها
تخيلو الدنيا ليل وظلااااام وبالوادي اللي كله شير وأصوات مخيفه بس فوق كل هذا ماخفت لانه السالفه كانت فيها قطو ههههه ..أصلا حزتها انا ماكنت أفكر بشي أسمه ظلااام ولا غيره كنت مهووووسه بشي اسمه قطاو...
المهم قمت أزاجرها بصوت عااااااااااااالي بالوادي رووووزي روووووزييي
ميااااااااااااو مياااااااااااااااااااو روووووووووووووووووووووزييييييييييييييييي
رووووووووووووووووووووووووووووووووووووووووزي
إلا وأسمع نااااو مياو ... ياحليلها سمعت اسمها ينزجر وياتني هههههه
استانست وااااايد عليهااااااااا صح نسيت اخبركم شي عنها.. اول ماشليتها م الزيغه ياحليلها الا واحس بشي ساخن تحت أيدي عثرها بااااالت علي وععععععععععع
ههههههههه ماألومها بصراحه كان الوضع بالنسبه الها صعب واااااااااااايد
ولاشو رايكم ؟؟؟
يعني انحرمت من عايلتها ومن العز اللي كانت فيه ويابوها عند ناس اول مره تشوفهم ولاتعرفهم ولاشي وديار بعيييده عن دار اهلها بصراحه صعبه.....
وهنيه عااااااااااد تبدي حياتي ومعاناتي ويا هالقطوه الغرييييييييبه...
طبعا كبرت روزي وعرست ههههه عرس قطاو معروف مايباله وصف
ولا شو رايكم هههههههه...
ويابت عيال أأقصد قطاو أربعه ياحليلهم كلهم كيووووووووت
كان واحد أبيض أو واحد أسود وفيه أبيض وكان فيه واحد لونه ذهبي وابيض وفيه واحد رمادي
الابيض سميته لولو , والاسود أمايه سمته وسمته صرتك , واللي لونها ذهبي وابيض سميناها جونسي والرمادي فديته أنا كان اسمه عنتر ...
كرست كل وقتي لهم والدراسه أكبر طاااااااااااااف هههههههههههههههه
كنت اسبحهم وانشفهم بالمنشفه واعطرهم بس كان كل تعبي يروح ع الفاضي لاني كنت أنظف منيه ويطلعون عني م الصوب الثاني يتجلبون بالتراب يعني تي تي تي تي زي مارحتي جيتي ههههههههههههه.
كنت أيام الاجازات أقوم من فير الله ألعب كروك وياهم هههههههههههههه
سبحان الله كانو يفهموني واااااااااااايد واحسهم انهم يحسون فيني حتى لو مثلا كنت اصيح من شي ولا شي كانو ايون صوبي ويقعدون بحضني وانا من طبعي اني مااحب اصيح جدام عيال اخوي كنت أروح ورا البيت وأقعد أصيح لين مااشبع .
عسب جيه القطاو كانن ايني ويواسني
كنت يوم ادرس ايوني ع الطاوله ويقعدون يلعبون باوراق الكتاب يوم اجلب الورق ههههه ولا أختي اللي اكبر عني بسنتين كانت اونها تدرس وايي القطو مالها عنتر ويفر الكتاب صوب ويقعد هو بداله هههههههههه
صح ماخبرتكم شي .. ترا اول ماتولد روزي كلن ياخذ نصيبه من الولده ههههه
يعني انا مثلا خذت لولو واختي خذت عنتر وبنت اختي خذت جونسي بس طبعا بالاسم وإلاانا مستحيل اتنازل عن اي واحد منهم لاي شخص مهما يكون هالشخص معزته عندي...
مرت الايام والأشهر بسرعه وكبرو عيال روزي وفتحت المدرسه وبدا الدوام من بعد أجازه صيفيه طوووويله وعريضه بس الحلو فيها أني أبدا ماحسيت بطولها لأني كنت أقضي وقتي مع روزي وعيالها , كنت الصبح مثلا أقوم من فير الله أريقهم حليب وخبز وجبن غااااااااااوي كانو يحبون الحليب والجبن وااااااااااااايد
وكنت لااااازم طبعا احممهم كانت ألهم صابونه خاصه وشامبو وفوطه خاصه ,,,
الصبح أبوي يروح الجبره ييب سمج وخضره ومير للبيت ويوم يوصل مجرد انهم يسمعون صوت السياره يروحون يتلقوله ع الدروازه يشمون ريحة السمج ويتخبلن ماخباااااااااااااال عااااااااااااااااااد هههههههههههههههههه
حملت روزي مره ثانيه وقرر أبوي أنه يفر القطاو لأنه كثرتهن بلى على قولتهم بس اشقايل انا بتقبل هالقرااااااااااااااااااااار؟؟؟؟
حرااااااااااااام عليكم يعني ماكفى موت لولو احين تبون تفرون عيال روزي؟؟؟؟؟
كنت اروح المدرسه وفكري بالبيت فرو القطاو ولا؟؟ وين هم احين؟؟؟
كل مااوصل البيت بعد المدرسه الخلق تسلم على اهلها وانا ازاااعج واصرخ على عيالي خخخخ اقصد قطاوتي الاربعه واقعد اقول ميااااااااااااااااااااااااااااااو لين مايظهرون لي واطمن عليهم انهم بالبيت يعني مب مفرورين وترجعلي الحياة مره ثانيه .
كان كل يووووووووووم هالمنواااااااااااال وهالخوف والتوتر اللي كنت أعيشه... ومره كنت مداومه المدرسه ويوم رجعت الظهر كنت أزاعج كالعاده وأصرخ وأقول مياو بس محد ظهرلي ولاحياة لمن تنادي إلا وأتفاجأ بأختي العوده تقوللي لاااتعبين عمرج وادورين فريناهن بس ماصدقتها هاي تجذب علي أصلا هيه دومها تبا تقهرني ومااداني القطاو عسب جيه تقووللي عشان تشوف ردة فعلي اشقايل بس أنا حقرتها وروحت لأمايه على طووووووول وقمت اتخبرها والدموع بعيوني واقولها أمي أنتي أحين قوليلي الصدق وينهم عيال روزي وينهم؟؟؟ صج صج فريتوهم؟؟؟؟ ولا هاي تجذب علي ولا شو السالفه؟؟؟
وأمايه تضحك علي وتقوووللي وانتي منو خبرج وقالج انهم مفرورين؟؟؟
قلتلها اختي قالتلي بعد منو ؟؟؟
المهم امايه ماطاعت تقوللي بس انا بروحي استنتجت انهم مفرورين...
هنيه عااااااااد انا انصدمت وم الصدمه قمت اصرخ صراخ مب طبيعي تقول حد ميت علي المهم أنا قمت اصيح تقريبا شهر عليهم وعيوني استون تقول فنايين من كثر الصياح والحزن اللي عشته بس روزي ماشاءالله عليها يابت القطاو الاربعه مره ثانيه وكبرو وكنا نسميهم نفس الاسماء بس هذيلا بعد كبرو وفروهم عني لأنه روزي كانت بتنزل غيرهم ماشاءالله وانا ماكنت اقصر ابدا بالصياح كنت اعطيه حقه وزود وعيال اخويه يأزروني ويصيحون ويايه ...
وتمت روزي تحمل وأبوي يفر العيال اللي تولدهم عشان يهيأون المكان حق الولده اليديده وكبرت وتقدمت روزي بالعمر وكانت أخر ولده تولدها انها يابت أربعه قطاو كيوت وحلويييييين وكبرو عيال روزي لين صار عمرهم تقريبا أربع خمس اشهر يعني اشوي كبار يقدرون يعتمدون على انفسهم فمره قال ابوي نحن ليش مانريح عمارنا ونودي روزي هيه وعيالها المزرعه؟؟؟!!!!!!!!!!!!!!!!!!!!!!!!!!!!!!!!
هناك بتربيهم ع الصيد وبتولد ع كيفها ومحد بيدخل فيهم وبيقول بيفرهم لأنهم ماراح يضايقون ويزحمون حد وراح تعلمهم الصيد وكل شي؟؟؟؟؟؟؟؟؟؟؟؟؟؟؟؟؟
بس للأسف نسو شي وااااااااحد وماحطوه ببالهم أنه روزي مب متعوده على الشقا والحر والتعب واليوع هاي بتموت لين تتعلم اشقايل اصيد اصلا هيه ماكانت تعيش غير بالمكان المكيف ايام الصيف وبالمكان الدافي ايام البرد وبالظل يوم شمس وتحت صقف يحميها يوم المطر والريح العاصف ,,, كل هذا ماكانت له حسبه أبدا أبدا ...
وشلها أبويه المزرعه وفرها هناااك بس شو تتوقعون ردة فعلهااااااااااا؟؟؟؟؟؟؟؟
هو صح فرها بس مايعرف انه بها الطريقه شتت عيالها لأنها فلت م المزرعه ومارجعت الهم ابدااااا ,, كنت اروح المدرسه وأقعد أدورها والدموع بعيوني بس للأسف ماكنت ألاقيها حتى بالمدرسه سويت أعلان انه قطوتي ضايعه عني بالمزارع ومواصفاتها جيه وجيه واذا حد شافها من اخوانكم بليز خبروني بس ماكنت ألاقي فايده ومره على غيابها تقريبا شهر بس مافقدت الأمل برجعتها لي... ومره وبليله مافيها ضو قمر كنت أتمشى بحوي البيت وأفكر بروزي وين بتكون ديارها ميته ولا حيه تاكل ولا يوعانه ولاشوووووو
وفجأه وانا أرفع عيني إلا وأشوف جدامي روزي على يدار الحوي تشوفني من بعيد ومب طايعه تتقرب مني والحزن بعيونها لكن أنا ماكنت مصدقه أبدا اللي أشوفه جدامي أنا بحلم ولا بعلم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
هاي رووووووووووووووووووووزي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
ولا أنا احلم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
قلت خلني أناديها يمكت تتقرب مني وفعلا قمت ازقرها روزي حبيبتي تعالي مياااو ميااااااااااااااااااو وفعلا استجابتلي بس عزة نفسها مب سامحتلها انها تتقرب مني تدرون ليش؟؟؟ لأنها خلااااااااص كانت مصدومه فينا نحنا اللي ربيناها من يوم صغنطوطه ولين يابت عيال وعزيناها وكرمناها انسوي فيها جييييييييييييييه؟؟؟
او ليييييييييش ؟؟؟ انا اللي كنت أصيد الكم الجرذااان مب الا الفيران تيازوني بفري بالمزرعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله مااقول شي من عندي بس كل تصرفاتها كانت ادل على كل كلمه كتبتها وظلت ثلاث أيام تقريبا مب راضيه تحدر من فوق الحوي تقعد اطالعنال وتتاملنا .....
المهم أنا ماقصرت فيها وكنت ماهره بشي أـسمه ترويض وروضتها لين ماحدرت وتقربت مني ومن اهل البيت والله أنه الكل أفتقدها من صغير لكبييييييييييييييييير
وكانت رجعتها لنا فرحه كبييييييييييييييره بالنسبه لي ولاهل البيت...
صحيح روزي رجعت النا بس رجعت وهيه مريضه كانت ماكله شكلها سمجه من بيت حد في أثناء رحلتها الشاقه والمتعبه فعلق عظم بحلجها وقامت اطلع زرار وماي من حلجها فقررت أوديها العياده وفعلا أبويه وافق على طلبي وشلني أنا وروزي العياده وعالجناها بس للأسف الالم والعظم مارضى يخف منها بس ع الاقل خفت عن الاول وصارت تقدر تاكل...
مرت الايام والاشهر على خير وروزي يابت قطيو حلو وكيوووووت وسميناه وحيد لأنه وحيد أمه لكن للأسف حالة روزي انتكست ورجعت للأسوأ ...
قال أبوي مستحيل اخليها بالبيت هاي بتيبلنا الامراض ونحن مب ناقصين وهالمره فروها هيه ووحيييييد بمكاااااااان بعيييييييييييييييييييييييييييييييييييييييييييييييي يييد يعني مستحيل انها تقدر ترجع البيت ..
يعني شو تتوقعون حالي احين بعد فراق روزي؟؟؟
خلدت ذكراها ليومكم بذاكرتي ومب الا جيه مايمر شهر الا واحلم ابها واشوفها تكلمني واكلمها لاني افهم لغتها وبشو تحس..
| النــــــــــــــــــــــــهــــــــــــــــــــــ ــــــــايـــــــــة |
آخر المواضيع
Rozy قطتي العزيزه 
