الله من صبرا صبرته بلا قيـــــاس
والصبر شين ليا تعدى مقاسه
صبرا صبرته بين الرجا واليـــاس
والي سوالفهم سوالف نجاسـه
اهل الحكي والقال والقيل ونجاس
وبالكذب بيت الظلم يبنون ساسه
ناسا تجيك اشكال والوان واجنـاس
هرج النمايم دارسينه دراســـــــــــه
صابر وكن القلب يحمس بمحمـــاس
من سبة افعال الردى والنحـــــــــــاسه
الله يبلا كل بالي وخنــــــــــــــــــاس
الي بهرجه بحر الاكذاب داســـــــــــه
هو يحسبن الكذب يرفع به الـــــراس
مايدري ان الكذب عار ودناســــــــــــه
ماخاف من باس الولي معظم النــــاس
الله شديد الذنب ياعظم باســــــــــــــه
ويامعيبين الشعر مابالشعر بـــــــــاس
الشعر وهبه والمعاني فراســـــــــــــه
ولاكل من يكتب حروفا بقرطـــــــــاس
يطلق عليه اسم الشعر والريــــــــاسه
الشعر ياهل الشعر كان طاقة البــاس
وكلا من الطاقه يفصل مقاســــــــــــــه
ماهوب مخصوص لناس على نـــاس
وكلا على عرفه يعبر عن احســــاسه
آخر المواضيع
راعي الوشى 
