لحضـه* لحضـه

لحضه... خذ ا لماجود يامنبع الجود = والمسلمين اخوان والخير ضافي
يااحلا كرز سرك معللق بعنقود= لامال غصنك زان نظم القوافـي
كلك على بعضك حلو ياطرق العود= علـي بالنخـوه جمالـك خرافـي
حب البرد في ثغرك العذب معـدود= ياهـم الالـي يالثمـان الرهـافـي
ادعج ..غنج ..كل الحسن فيك .. موجـود= و اعظم من الي شفت ماكان خافـي
شديت قلبي كل شي فيـك مشـدود= و حيرت فكري فيـك ياقـد هافـي
اموت واحيا لا تمخطـرت بركـود= واكتب وصاتي في سجلات وافـي
واسترجع انفاسي وياكـود ياكـود= وابات لا صاحي ولا نـي بغافـي
كني على حدب الضلاعيـن ملهـود= والعقل من ماشفت صابـه خفافـي
بيني وبينك حطو ارسـوم وحـدود= وحطو حضر يشمل جميع المصافي
ان قلت ياعينـي حثوهـا ببارود= وان قلت ياليلـي رمولـي لحافـي
لولا الحياواخـاف ناقـد ومنقـود= لصيح للنجده واجيـب المطافـي
واقيم الي دعوه واحضر لي اشهـود= واعلمك وشلـون باخـر مطافـي
لاكن طبعي كل شـي ِ لـه احـدود= ولاودي احكمهـا بحكـم التجـافـي
والطيب ياغض النهد فيـك معهـود= تلافهـا قبـل التلـف بالتـلافـي
ترى السلف بين المحبيـن مـردود= ومافات مـات ومابدرمنـك كافـي
انا دخيل الرمش واعيونـك السـود= ياجوهره يامـاس يلـول صافـي
جودي بوصلك دامني منك موعـود= يابلسم اجراحـي وياطـب شافـي
وضمي مجاديف الامل وارقي اسنود= ونامي فديتك عل نومـك عوافـي