اركض ورا الاعلام وتصيـر شاعـر

اركض ورا الاعلام وتصيـر شاعـر=دام الشعر سوقـه كمـا سـوق بطيـخ
وحــدد لبيـعـه بالمكـاتـب مـسـاعـر=وله قيمةٍ رخصة مثـل كلمـة الشيـخ
وقف جري سيل الشطـوط النواعـر=وجريـه تغـيـر بالمواصـيـر تبخـيـخ
والشعـر مـن رب الخلايـق مشاعـر=ماهـو حركـات الايــادي وتصـريـخ
بالصوت فـي عـال المنصـه يجاعـر=صوته يـدوخ سامـع الشعـر تدويـخ
يحسبه للنار الشعر بالصوت زاعـر=وفـكـر يسـجـلـه بـالامـثـال تـاريــخ
دربه على المفلـس يصيـر متواعـر=وركبه ينـوخ دون اللـي راد تنويـخ
يقضـي رصيـد اللـي فقـد للمشاعـر=ويقضـي كثيـر الطهلبـه والتكاشيـخ
شعـر الحـداثـه بالـخـدود متصـاعـر=يستاهل من قاله مع الضرب توبيـخ
هذا لمـرض بافكـار نـاسٍ متساعـر=ومـن مـالـه اول ماذكـرلـه تـواريـخ
وقصر الشعرله سور صار متشاعر=من السباب فريسٍ سلاحه صواريخ
شالوعلـى الشعـر الحقيقـي فواعـر=ومع وسط راسه بالفواعير تطخيـخ
وكـلٍ علـى دربــه بالالـحـان داغــر=وحطو على دربه من الموت تفخيخ
واللـي ماهـو صحيـح لابـد صـاغـر=يصـغـر وتنـفـش اللـغـود المنافـيـخ
وجهه يجي من شدت الخوف غابـر=لوهو لبس لبس الزحول المجاويـخ

احــذروا نــاس نـوايـاه مقلـوبـه=بـا لجرايـم لـه تواريـخ وسجلـي
الكـلام بعكـس الافعـال عـذروبـه=مثل وصف الديك يذن ولا يصلي

ديــوانــي

لا إله الا انت سبحانك اني كنت من الظالمين ..

تـرا خـوة أهـل الطيـب يالطيبيـن أطبـاب=يطـيـب السـقـيـم وخـــوة الاش سـلالــي
تغانم شبابك يا بيض الوجه دامك شـاب=ترى البدر لـو يطلـع قمـر عـود أهلالـي
فلا تهجر المسجد وخلك ورى المحراب=ترى روضـة المسجـد لهـا منـزلٍ عالـي