][ ( أب ) حجازي ، يحكي قصة / الزير سالم لـ ( أولادو ) ][


	1


	][ ( أب ) حجازي ، يحكي قصة / الزير سالم لـ ( أولادو ) ][
	04-12-2007, 10:53 مساءً
	مسا / صباح الورد لأحلى من الورد كيفكوون .. ؟ ويسعد أوقاتكم قصر الكلام .. ما عرفت فين أحط الموضوع بالضبط بس قلت في قسم الأصدقاء برضو يمشي الحال ، على الله تعجبكم مشاركتي .. واللي هيا قصة الزير بس باللهجة الحجازية ( حلو ) ؟ ســلام الله على أهل الحجاز واللي يتكلموا حجازي << خلصينا طااايب هيا طبعا ملطوشة بس غيرت صياغتها شويا وأضفت عليها تعليقات عشان تكون حجازية ميه ميه كان يا مكان .. في قديم الزمان .. وما يحلى الكلام إلا بالصلاة على خير الأنام كان في واحد << من أيام أسكت يعني من زمان مرررة .. ( ما علينا منو ) الزـبدة حب يحكي لأولادو قصة الزير سالم فشوفوا إيش حكالهم ... (( يا أولادي دحين بقولّكم لمن أتلاقى الواد جساس بالحونشي داك اللي شايف نفسو مررة واللي اسمو كليب.. خدو الرواية : كليب دا كان ماشي في برحة مرررة كبيرة مافيها ناس ولا في أحد جنبو . وجساس بصراحة واد خلبوص كدا شويه وجبان .. لأنو استغل وجود الحونشي كليب لوحدو .. بس سوا فيها هيامة ورح لكليب الموهيم عمنا كليب ماشي بأمان الله وقاعد يشم شوية هوا وبعيد عن رجة البزورة والبيت ومشاكل عيال عمو وقلق الناس اللي عندو والكلام داكا كلو .. الحكاية إنو جا الواد جساس زهمو وقلّو : إنتا يا كليب وطبعا كليب أدالو اشكل مارد عليه ولا أعطالو وجه ! << طناش على كيفك قال جساس: إنتا يا كليب رد اشبك ..! أنا قاعد أهرجك ياهووو وداكا مديلو اشكل وربي ولا هوا معبرو بالمررة جساس : شوف ياكليب .. إنتا كسرت الماسورة ( حنفية المويا ) حقتنا ولا خليتنا نشرب مويه لا نحنا ولا غنماتنا ولاجملاتنا ... وكل هادا ونحنا ساكتين وقلنا صحيح عيب اللي تسويه بس معليه مو مشكلة دا برضو ولد عمنا ومن لحمنا ودمنا ... وكبير العيلة وسكتنا .. لكن إنك تسوي فيها ذكر << قوية دي ، وتفرد عدلاتك( عضلاتك ) على الجمل حقت خالتي (البسبوسة) وتقتلو كمان ؟ لا حبيبي دا مرة مو كلام رجاجيل وإللي انتا سويتو غلط في غلط << يعني انو عاقل مو عشان سكتنالك << سكتنالو دخل بحمارو ، تحسبنا خايفين منك .. لا يا بويا .. نحنا بس احترمنا صلة القرابة اللي بيننا .. وقلنا هادا ( أبو رحم ) ومننا و فينا بس انتا بالمرة خبصت أوم الدنيا .. على بلاطة كدا خربتها << ترى كان عندهم بلاط وكل دا الكلام والحونشي عمنا كليب مديلو اشكل بقوة ، ولا كأنو في أحد يهرجو بالمرة << أنواع الخسرة وهنا .. جساس صيّح ديك الصيحة اللي بأعلى صوتو وقال : انتا يا كلــــــــــــــــيب << وأعلى من كدا كمان سمعت الصيحة أنا ياخي رد عليّا ايشبك ، أتبكمت والا إيش؟ أنا داري إنو إنتا ما تطالع وراك إلا إزا كان في بشكة أقلها أربعين راجل ... لكن معليه المررة دي اتنازل شويا وأخيرا .. رد كليب طبعا وهو لاوي بوزو << اللهم يا كافي ، يعني اٍنو مرة قوي.. وقال: لا يابويا غلطان ، أنا ما ارد إلا لمن تكون البشكة 50 راجل ... ساعتها الواد جساس جسمو تكهرب شويا بس سوى فيها إنو ولا همو ، وداك عمنا طنش وكمّل مشيو مع الحصان حقو << شوفتو كيف مستقوي الموهيم الواد جساس طرطع وقفلت معاه << يعني ركبو ستمية جني وألف عفريت .. وفي ثورة غضب << أحلى يا لغة الواد جساس طلّع الرمح حقو .. ورماه علي عمنا كليب وغرزو في ظهرو .. والتاني داكا كليب قام يتألم الحونشي ويتبكبك وقعد يصرخ بصوت عالي كأنو بعبع ( وحش ) ... فين اللي مسوي قوي من شويا << شماته خخخ وبعد ما سار كدا الواد جساس انتبه للي عملو وقال في نفسو : ي اواد ما يبغالها إلا افركلها واشرد لا يجي أحد دحين واللا يجي الزير داكا اللبش ويسويلنا قلق محنا فاضيلو دحينا ، وهاتك يا فكيك دق سلف بالحصان حقو ونمّر لها .. << الجري نص الجدعنه ههه أما عمنا كليب حالتو صارت حاله ، قام يزحف على بطنو شويا شويا ولمن وقف علي رجولو ويمشي والرمح معلق بظهرو يالطيف ، إلين ما لقي بواحد بدوي حق غنمات ... وبس شافو البدوي اتفجع وقلّو: مو انتا عمّنا كليب ، إيشبك كدا؟ ... إيش صار فيك ياعمنا .. رد عمنا كليب على البدوي وقلّو : يبو روقنا ، مو وقتو دحين كتر الأسئلة ، ما انتا شايفني مغرق بدمي وانتا لساتك تسال؟ جيب لي شوية مويا أبل ريقي يللا أبغى اشرب ياواد... فقام البدوي صاحبنا جبلو مويا وشرّبو . كليب: اسمع يا ولد الناس أنا غدر بي الواد جساس وأكلّني الرمح حقو من ورا ظهري ... واللي خلق أمك لو إنو كان من قدامي كان عرفت أصرف معاه ... لكن هو رمّة وجبان وخيخة وجاني على غفلة لكن مو مشكلة أنا أعرف أجيب حقي... ولو إني ميت ورايا رجاجيل ما تترك حقي يابويا << ايش تفكروا بس مو سهل الـ كليب دا وقال كليب للبدوي : حكتب لك وصية تخليها حلقه في ودنك وحكتبها علي الجدر دا بدمي ( لانو ماكان معاه قلم ولا ورقة ولا حاجة يمكن نسيها في البيت ) ... ولازم أخويا سالم الداشر يقراها... وبعدين الله يخليك تسوي معايا معروف إنك تقتلني بعد ما أغلق من القصيدة ... قبل ما يعفن ظهري وتصيبني الغرغرينه ( يمكن كان عندو سكر ) << سلام قولا من رب رحيم قلّو البدوي طيب .... وبدا أبو الشباب يكتب الوصية ، وهي كالاتي : << حركتات لغة ! أول بيت يقول: استغفر الله إله العرش لا يعبد سواه ... وتاني بيت يقول: الملك الله رفع السماء وبسط الارض ... وتالت بيت يقول: لا تنسى اليتاما وتخون العهد يادوب ... ورابع بيت يقول : الله أكبر على الظالم المفتري الغدار أصحك تسيبو أو تسامحو وخامس بيت يقول : جساس خمني وغدرني وطالع على الجرح في ظهري وتعرف ... وسادس بيت يقول : الزير أخويا أعرفو قوي وشديد يمرمط العدوين ويشلفطهم شلفطة... وسابع بيت يقول : يا سلومي يا أبو السلالم خليك راجل وبطلك حركات البزورة .. والبيت الثامين يقول فيه : شوف ياسالم لا تخلي ولا احد منهم لاراجل ولا شيخ ولا عجوزة ولا حورمة .... واقتلهم كل واحد وحورمتو حتى البزورة لاتسيبهم الموهيم أفققع أبوهم كلهم . وتاسع بيت يقول فيه : لا تصالح أي واحد منهم ترى لو تصالح أحد حأشتكيك لربي وعاشر بيت يقول فيه : لو ما سمعت كلامي دا ولا سويت اللي وصيتك عليه نتقابل عند قاضي القضاة رب السموات والأرض .. ويا مصلي على النبي بعد الهرجة دي صاحبنا البدوي راعي الغنمات كمل على عمنا كليب حسب طلبو واللي سار دحينا إنو الهرجة وصلت لحارة كليب وأهلو عرفوا بالحكاية كلها وطبعا أخوانوا سووا فيها مناحة وكيف وما كيف من الكلام والولولة حقت الحزانى ، ونحنا نفعل وما نفعل ونحنا نسوي ومانسوي وحقنا مايروح لو على شنباتنا ومن الخرط الكتير راحوا عند بيت عيال عمهم وتقابلوا مع أبوهم ومنا هرجة ومن هناك هرجة << يعني قلك يسوو مفاوضات ... وهادا بدال هادا وما ادري ايش وطبعا ما اتفقوا وقالوا خلينا نشوف الدوب الداشر سالم ايش حيقول؟ وصاحبنا سالم زي عادتو كان سكران مع ولد عمو همام ( أبو رحم )يعني رحيمو ... تعرفو كانو داشرين مررة وحقون شراب وبنات وكباين وشاليهات ومخلينها خل وطرشي فقاموا أهلهم أرسلو لهم واحد يقول لهم اللي سار وجا الراجل اللي بيقولهم الهرجة ، وكان الدوب الداشر( الزير) سكران مقربع مزبوط ومأجر الدور الفوقاني مع الملحق كمان ... وطل همام << مدري من فين بس شكلو كان في شباك واللا فتحة مادري ، بس وعرف الهرجة ، إلا ويطلع لهم فجأة الدوب الداشر ويقول : إيشبكم ياهووه إيش حكايتكم قاعدين تتوشوشو علي إيش .. ؟ أحس انو في شي كدا بس ما تبغو تتكلموا ...بنت يا ضباع إيش الهرجة ؟ الموهيم العالم خافت وقامت تتنفض من الخوف... بس إلا يسحبو همام وقالو أدخل جوا ونتفاهم ... قام الزير و مسكو من صدرو وقلّو ياهو إيش في قلبت راسي وفكفكتها معايا و وانتا عارف نو مرووقين وشاربين ومرة مالو داعي الخربطة دحين ، بس قلّّو همام شوف: لو قتلوا أخوك كليب... ايش حتسوي؟ قام ضحك الدوب الداشر( الزير ) و شويا كشر بوجهو كدا و قلب قارورة العرق ( السكار ) وخلاها تقّطر شويه شويه.. قلّو شايف هادا العرق كيف يقّطر؟ طالع همام مستغرب << مرة ما توقعها منو قلّو لا تستغرب ياواد ... لو قتلوا أخويا أنا أخلي دم أخويا وكل قطرة من دمو براس رجال من قبيلتهم وإنتا عاد شوف أخويا قد إيش عندو دم << بكاش الواد هادا الزير همام لما سمع رد الزير قال في نفسو : ياهووو ما بدها خليني أديلو الهرجة واللي يسير يسير << خخ أديلو في زنبيلو ، و حكا لو الهرجة .... عاد الدوب الداشر( الزير) قام سوا مناحة ديك الليلة وهاتك يابكى ويا صراخ زي البزوره .. تعرفوا مع السكار والخبر اللي مزفت .. نكب الدنيا ... الموهيم قعد يقول أشعار وتهديد وتخاريف ومدري ايش من الكلام حقت السكارى لين طلع الصبح وصاحبنا نايم علي الدكة وحالتو حالة << الله لا يوري مسلم ولد أختو من جد ندل قال لأبوه : ترى ما يدعيها بسلام نحنا عارفينو كيف لبش ويحوب المشاكل ، هيا خلينا نقتلو وهو سكران وفوكونا من شرو .. أبوه طرطع قلّو إيشبك إنتا أتجننت ؟ ياواد عيب دا خالك ، وسدحو بكلمتين وروق الواد . وصبح الصباح وكل واحد جا يبغى يسري عند أهلو عشان يشوفو إيش حيعملوا وكيف رح يدور البوكس بينهم ( يعني المعركة ) وقبل مايمشوا... سوو لكم فيلم هندي الدوب الداشر وقرينو همام ... قلك يعني مارح أقتلك ومادري إيش وما أبغاك تكون خصمي يا همام ... وقلك كمان همام يقول لا ياهوووو كيف دولا أهلي وبرضو ما أعتقد إني رح اسكت ... ومن الخرط الكتير هاداك وأخيرا كل واحد سرى عند أهلو... وقالوا بيننا البرحة ونشوف مين اللي رح يغلب .. وباقي القصة يا أولادي رح أحكيكم هيا لما تنجحوا إن شالله وتجيبوا الشهادة وأقلكم أيش سوا أبو ليلى بعدين )) << شكلو تعب من كتر ما يحكي ونعس خخخخ وأنا كمانه يدي وجعتني من كتر الكتابة .. وإن شالله بس تكون عجبتكم القصة الجونان ولا تواخدوني على التطويل مع أطيب الأمنيات / غناتي


	من مواضيع ! غناتي ! 0 ][ شـ هق ـات ( صـ م ـت ) / الفـ ـق ــد ][ 0 ][ أين ذهب شارب جدي ؟ / قصة للأطفالـ ][ 0 حلقـة شوق مفرغـة 0 دُعَ ـائُكمْ ، لـِ صَديقَتي / باِلـ شّفَاءْ .. 0 ][ صور نادرة لمصر من 150 سنة ][


	توقيع ! غناتي ! وَلا زِلْتُ [ أقْتَرِفُ ] .. " حُبّكَ " ،

! غناتي !

كـــــــــــاتبة

الجنس :

الدولـة :

رقم العضوية : 3189

تاريخ التسجيل: Oct 2006

الإقامة: فِيْ قَلْبِهِ عِشْتُ

المشاركات : 122

المواضيع : 11

عدد مشاركات اليوم :

نقد عربي: 86,543

المصرف: 0

المجموع نقد عربي: 86,543
تبرع

نقاط الترشيح : 0

المستوى : ! غناتي !

الـــهدايـا :

اعلانات خاصة باعضاء البدو فقط:


	2


	رد : ][ ( أب ) حجازي ، يحكي قصة / الزير سالم لـ ( أولادو ) ][
	04-12-2007, 11:50 مساءً
	هيه عايبتنا هالقصه تسلمين يالغلا ع المشاركه السـاهرة


	من مواضيع الساهرة 0 العيــــد مــن نــــافــذتــي 0 الحسن أسفر بالحجاب .! 0 معـــــانــاة طــــالــــب 0 من طــرا 0 عدسة الاميرة


	توقيع الساهرة

الساهرة

الإدارة

"ٌ"ٌ أميـــرة البـــدو "ٌ"ٌ

الجنس :

الدولـة :

الاول: اعلى وسام في منتديات البدو - السبب: من القلب شكراً

أوسمة العضو: 1

رقم العضوية : 7

تاريخ التسجيل: Jun 2005

الإقامة: قطـــــــر

المشاركات : 10,045

المواضيع : 928

عدد مشاركات اليوم : 10

نقد عربي: 3,029,794

المصرف: 0

المجموع نقد عربي: 3,029,794
تبرع

نقاط الترشيح : 625

المستوى : الساهرة ماسي

الـــهدايـا :


	3


	رد : ][ ( أب ) حجازي ، يحكي قصة / الزير سالم لـ ( أولادو ) ][
	04-12-2007, 11:54 مساءً
	تسلمين غناتي


	من مواضيع كلي فداك 0 ~¤§( لــحـن ** الــمــوت )§¤~ .. طلب خاص .. 0 هل تعلم ما هي الوصية الخالدة المكتوبة في سيف النبي 0 التيلــــه لعبة شعبية قديمه 0 عبدةالفئران(صور)الحمدلله ع الإسلام 0 طريقة براشيم بتنجحك باذن الله ^_*

كلي فداك

العلاقات العامة

غائب بسبب : مسافره لسدني

الجنس :

الدولـة :

الاول: اعلى وسام في منتديات البدو - السبب: نشكرج على كل شي قدمتيه لمنتدى البدو

أوسمة العضو: 1

رقم العضوية : 1

تاريخ التسجيل: Mar 2006

الإقامة: دارٍ كساها بالعز حمدها

المشاركات : 13,199

المواضيع : 416

عدد مشاركات اليوم :

نقد عربي: 1,848,920

المصرف: 0

المجموع نقد عربي: 1,848,920
تبرع

نقاط الترشيح : 767

المستوى : كلي فداك ماسي

الـــهدايـا :


	4


	رد : ][ ( أب ) حجازي ، يحكي قصة / الزير سالم لـ ( أولادو ) ][
	04-13-2007, 12:11 صباحاً
	خخخخخخخخخخخخخخخخخخخخخخخخخخخخخخخخخخخ... وربي قووووووووووووووووية.... الله يعطيك الف عافية على هالجهد.... دمتي بخير وعافية...


	من مواضيع حمران النواظر 0 أطلق لها السيف - صدام حسين 0 قصة حميدان التركي (( الجزء الثالث والأخير)) 0 صور قديمة وحديثة للملك عبدالله بن عبدالعزيز حفظه الله... 0 أسألك الرحيلا.... 0 سؤال يطرح منذ الازل - ما هو الحب !!!


	توقيع حمران النواظر تغرب عن الاوطان في طلب العلا=وسافر ففي الاسفار خمس فوائد تفرج هم اكتساب معيشة=وعلم واداب وصحبة ماجد

حمران النواظر

عضو ماسي

(¯`·._تباً للغربة ما اقساها¯`·._)

الجنس :

الدولـة :

رقم العضوية : 3811

تاريخ التسجيل: Nov 2006

الإقامة: USA - Colorado

المشاركات : 1,075

المواضيع : 69

عدد مشاركات اليوم :

نقد عربي: 219,853

المصرف: 0

المجموع نقد عربي: 219,853
تبرع

نقاط الترشيح : 94

المستوى : حمران النواظر ذهبي

الـــهدايـا :


	5


	رد : ][ ( أب ) حجازي ، يحكي قصة / الزير سالم لـ ( أولادو ) ][
	04-13-2007, 01:05 صباحاً
	هلا عزيزتي الساهرة .. أهم شي انها عجبتك .. وتسلمي لي على حضورك .. لك شكري .. لا عدمتك ، تحية مودة / غناتي ،


	من مواضيع ! غناتي ! 0 ][ شـ هق ـات ( صـ م ـت ) / الفـ ـق ــد ][ 0 ][ صور نادرة لمصر من 150 سنة ][ 0 ][ أين ذهب شارب جدي ؟ / قصة للأطفالـ ][ 0 \|\| ~ [ قراءة ( حكايا ) في / ( ملامح ) عابرة ] ~ \|\| 0 ][ ( أب ) حجازي ، يحكي قصة / الزير سالم لـ ( أولادو ) ][

! غناتي !

كـــــــــــاتبة

الجنس :

الدولـة :

الـــهدايـا :


	6


	رد : ][ ( أب ) حجازي ، يحكي قصة / الزير سالم لـ ( أولادو ) ][
	04-13-2007, 01:08 صباحاً
	هلا عزيزتي .. كلي فداك يسلمك يارب .. أشكرك ، دمتِ بخير .. لا عدمتك ، مودتي / غناتي ،


	من مواضيع ! غناتي ! 0 حلقـة شوق مفرغـة 0 ][ شـ هق ـات ( صـ م ـت ) / الفـ ـق ــد ][ 0 ][ صور