ياكثرهم لاقلت لك عرفة وجيه=وياقلهم لاقلت قدر ... ومعزه
رجل تعزه بعد ماتلتقي فيه=ورجل قبل لاتلتقي به .. تعزه
ورجل ترزه بالمجالس مبأديه=ورجل فلوسه بالمجالس ترزه
ورجل ضعيف ويستفز معاديه=ورجل كلام عداه .. مايستفزه
ورجل يهزه بعض موقف ويشقيه=ورجل ماهو بيات موقف يهزه
ورجل تلزه يعترف لك بخافيه=ورجل على خافيه محد يلزه
ورجل يوزونه ويزعل بني أخيه=ورجل يزعل من يحاول يوزه
ورجل تكزه لازم أنك توطيه=ورجل بليا ماتوطيه ..كزه
من لا فرس المرجله ماتغطيه=ومالايخز الناس محد يخزه
ان كنها عرفه فعرفة وجيه=ومن قال لك بالقلب قدر ومعزه
قصيده لشاعر/ خلف المشعان
اختيـــــــاري/ الســـــــــــاهرة
آخر المواضيع
ياكثـــــــرهم 
