قصــــه وقصــــيده !!

يقول عبدالله بن دخين الثبيتي

ياالله لحكمـك نعطـي السمـع والطـوع=نحمـدك يـارب المخالـيـق ومـطـاع
قالوا محمـد مـات وأمسيـت مفجـوع=كثـرن هناديبـي وضاقـن الأوســاع
واصْبَحْ علَيّ الصبح مرِكي علـى كـوع=والعيـن سِهْـرتْ والمخاليـق هِـجّـاع
يقطعـك يـا دهـرٍ للأجـواد قاضـوع=عطب الضرايب لـلا صاويـب شـلاّع
لا جـا سهـام المـوت مادونـه ادروع=الموت حـق ولا عـن المـوت فـرَّاع
لو للفدى نفـدي عـن الشيـخ بجمـوع=وان جا القـدر ماعـاد للعمـر مدفـاع
النـاس يخْتلفـون فـي لـون واطبـوع=والفـرق مابيـن الرياجيـل الأطـبـاع
يوم الرِّدى حبله مـن الوصـل مقطـوع=ويهّبّْـط الأســواق ربـعـه ويبـتـاع
محمد ابـن تويـم إلِـه فنـد وافـروع=ونقضي على فكـرة مصيـفٍ ومربـاع
وعند العرب قولٍ يٍهَجِّـي عـن الجـوع=وعنده اسمـانٍ تِشْبـع الخصـم لاجـاع
مرحـوم ياشيـخٍ عـريـفٍِ وبـاتـوع=حـلْـو اللـسـان وللتماثـيـل بــرّاع
بعض العـرب نبكيـه لامـات بدمـوع=نبكي علـى فقـداه ولـن مـات نرتـاع
وبعض الرجال إن عاش وان مات جربوع=مايفْقِـده غـيـر الحليـلـه والأمـتـاع
هـذا الٍـذي علِّـه ولا فـيـه منـفـوع=عِلَّـة نحـر سُقـمٍ علـى الكبـد ينْـداع
سُقْمٍِ علـى ربعـه مـن العـز مخلـوع=الِّلـي لهـرج أم الخلاخيـل مِـطْـواع
تِسقيـه مـن كـاس المحبيـن قرطـوع=وترميه من روس السرايـا علـى القـاع
ويجي مِعِه مثله على وصـف واطبـوع=ولاضاعت الشيمات ضاع الأمـل ضـاع
وان راح إلِي سيفٍ مصقَّـل ومصنـوع=سيـفٍ نماريبـه طويلـيـن الأبــواع
ماعاد إلِي فـي باقـي النـاس مطمـوع=من عام الأوَّلْ عِفْـت غاويـن الأسنـاع
والقـول مالـي فيـه نِيَّـه ومـشـروع=ماعـاد ابَفْتَـح للهواجيـس مـصـراع
ومن مات لابـدِّه مـن الخلـق متبـوع=الـمـلـك لله والمخـالـيـق تِـبَّــاع
أخذ الملوك اللي لهـم صيـت مرفـوع=اللي عساكرهـم تضيـق ابهـا الأرواع

رد الشاعرمحمد بن تويم الثبيتي

حِيِّيِّـت يا قـو ل مـن ا لشيـخ مسمـوع=لا شك نسمع لـه ليـا أصْغينـاالأسمـاع
لحيث بعض القول إلِه جنـب واضلـوع=ولِـه سنـامٍ فـوق نابيـت الأضــلاع
لاهنـت ياشيـخٍ مـن الهـم مـاجـوع=حماك رب البيـت مـن كـل الأوجـاع
ولاهنت ياطـرفٍ مـن النـوم ممنـوع=العيـن تبغـى النـوم والغيـض منّـاع
والمـوت حـق وللمخالـيـق بـالـوع=ســواة بـحـر للمهـمـات بـــلاّع
وارواحنـا فاجسادنـا زرع مــزروع=ماظنـه ابْخافـي عـلـى كــل زرّاع
والكذب عـادة كـل مجـرم وخرفـوع=يميـع زبـد الكـذب والصـدق مامـاع
والله ماينقـص مـن أيـامـي اسـبـوع=لـو كذبتـه تـعـدت امطيرواسـبـاع
مـن طـاوع الشيطـان يِغْتَـر ويتـوع=ومـن طـاوع الرحمـن ماهـو بتّـواع
واقلبـي اللـي نحـو عبـدالله يــزوع=أثِـرك يابـن ادخيـن للقلـب نــزاع
بعض ا لعر ب سِمْعَو ا ولا جو نـي فـزو ع=وانته على وضـح النقـاجيـت فـزاع
فـازع وموشـي لـك قناديـل وشمـوع=هدفك منهـا تسـري الليـل فـي سـاع
وتقص درب الداب ابـو ذيـل مجبـوع=اللي دَخـل مابيـن صيـوان واشـراع
مشكور يالحِلحِيـل فـي كـل ماضـوع=ويـا ضِـدٍ للأخصـام بلـسـان وذراع
ماقَفـك ماقفنـا ومجلـسـك مـربـوع=مِنِّـي عليـك البِيـض تِنْشَـر وتِنْـذاع

دعواتي لهم بالرحمه والمغفره
واتمنى لكم التوفيق اخوكم
عيضه العيسي الثبيتي

ومن قال مايهان حياك الله اخوي فراج بن عون

وجزاك الله خير على دعوتك الطيبه

لك الشكر والعرفاان ودربك

خضر يافراج