بسم الله الرحمن الرحيم
السلام عليكم ورحمة الله وبركاته
قـصـيـدة للشاعـر/ ناصر الاحمري
تـلايـم الغـيـم ياكـبـد السـمـا هـلّــي= وأسقي ديارٍ ظمـا الاوقـات طايلهـا
من عام الاول وانا اللي مابرد غلّي = آدلّــه النـفـس وآجـامـل وآحايـلـهـا
الحـال منسـلّ قبـل السيـف ينسلّـي=تــواردت كـلـهـا والـمـتـن شايـلـهـا
أما وصلت السما ماهي بتنـزل لـي= والـيـا تعديتـهـا ضـاعـت جمايلـهـا
هــذي وهــذي وياكـثـري وياقـلّـي =وأسير في عدلهـا وأخطيـت مايلهـا
أصـوم وأدي زكـاة المـال وآصلـي= ولا أحتـمـي كلـمـةٍ مـانـي بقايـلـهـا
أروح كلي واجي فـي لازمـي كلـي=والمقبلـه مـانـي ملـقّـي قـفـاي إلـهـا
أقيسـهـا صــح بالسنـتـي وبالـمـلـي= والـوزنـة الوافـيـه بـإيـديّ كايـلـهـا
بس الزمـن ماضبـط دلّـه مـعى دلـي= صلـفـات الايــام ورتـنـي هوايلـهـا
تقبـل وأرحّـب بهـا وأفــزّ وآهـلـي= وماقدّمـت لـي فلانـي عنـه سايلـهـا
سبحانه اللي كتب لـي دقـي وجلـي= قبـل البـراريـق ماتلـمـع وآخايلـهـا
فالحمـد للـه وأنـا بالصبـر متحـلّـي=هذي فروض الصـلاه وذي نفايلهـا
والله ماغيـر ربــي بــان لــه ذلــي= لــو الجـزيـره تواجـهـنـي قبايـلـهـا
مانـي باآلمّـح بقولـة (ياللـي ويالـلـي) =مـن راسـي اقـدح لعاقلهـا وعايلـهـا
العلم لأهل النظر واضـح ومتجلـي= تفرق سمـان الرعيـه عـن هزايلهـا
الخبت واطي وراس الرجم متعلـي=وأم المحابيـل طاحـت فـي حبايلهـا
يجدّ واحـد وعشريـن الـف متسلـي=ماتثبـت الحجـه ان غابـت دلايلـهـا
يامن شكاويه : طال الهجـر ياخلـي = الهـاجـره كبـهـا واحــرق رسايلـهـا
والاّ انتظـرهـا ورددّ (شلـنـي شـلـي) = واصبر على مايصيبك من عمايلها
فالكم الطيب
مغليكم
راعي الرايـه
آخر المواضيع
والا انتظرها وردد (شلني شلي) 
رد : والا انتظرها وردد (شلني شلي) 
