ياعيـن غالـي كفّـي الدمـع كفّيـه
مانتي رخيصه لجل ترخص دموعـك
أنتي غـلا حاضـر زمنّـا وماضيـه
وحنّا على ضيـم الليالـي ربوعـك
نِرْضي لجل خاطرك مِن صَعْب نرضيه
وكفوفنـا ترعـى منابـت زروعـك
ووجيهنا مِن دونك تحـارب وجيـه
وصدورنا مِن دون صدرك دروعـك
وياغلى من جنيه الذهب عند مغليـه
جِنْسك قليل ونـادر النـوع نوعـك
ونبع الوفا نَبْعـك وصافيـك صافيـه
ولاغيّرت زيـف المظاهـر طبوعـك
والزين فيك النـاس ماتختلـف فيـه
ومن غيرك اللي شامخـاتٍ فروعـك
جيناك وِلْنـا شـيّ واحـد ونرجيـه
ياللي سطوع الشمس يشبه سطوعك
إليا غَلَب مُـرّ الزمـن طَعْـم حاليـه
لاتطفي احـزان الليالـي شموعـك
ولاينحني راسـك ولاالوقـت يحنيـه
ولايفرح الشامـت بشـيٍّ يروعـك
واليا انهمر دمعك على الخـد كفّيـه
مانتي رخيصه لجل ترخص دموعـك
الشاعر/محمد القثامي
آخر المواضيع
ياعين غااااااالي ...!! 
