|||| يابـــــــوي ||||

يابوي...ياعـزَي...ويـاتـاج راســــي=الله يحفَظـك عـن جمـيـع الصـواديـف
أشكـي عليـك.. اهمـوم وقتـي وبـاسـي=حـظـي غريق(ن)..مالقـالـه مجـاديـف
يابوي..حظـي مــن بـلاويـه قـاسـي= وقتـي معذبنـي لـه سنـيـن ومخـيـف
وانـت الوحيـد اللـي لهـمَـي تـواسـي=تكفـى يبَه..عـنـي تشـيـل التكالـيـف
لـو كـان عزمـي مثـل ذيـك الرواسـي=أصبر..ولااشكـي واقـع الهـمَ والحـيـف
لاشـك ..غـدَر الناس..قـلـل حمـاسـي=تعبت..مـن غـدر الـزمـن والموالـيـف
ناس(ن) لهم فـي كـل مجلـس حساسـي=الغـدر فيهـم شيـف.. والطيـب ماشيـف
عطيـتـهـم طـيـبـي.. بليَـاقـيـاسـي=وصار العـوض منهـم.. كثيـر التحاسيـف
وأنـا شموخي..يفتـخـر فـيـه سـاسـي=وابـوي ربانـي علـى العِـز.. والكـيـف
أبوي..شـيـخ(ن) للمواجـيـب راســـي=(سعد) خصيم الخصـم.. ومقلـط الضيـف
يابـوي تكفـى.. قبـل عـزمـي يـداسـي=فزعتـك ياشيـخ(ن) لمـن ياصلـك..ريـف
حتـى أتجـاوز واقـعـي بـيـن نـاسـي=وأرد ثـــاري للـعـيـون المـلاهـيـف
ولولاك..ابويه..مسنـدي..تـاج راســـي=ماقلتـلـك عــن ماحـوتـه المظـاريـف

لا إله الا انت سبحانك اني كنت من الضالمين ..