صحيح حنا بدو ... شكل وتـقاليـد الشاعر مـنـاحي العـــوفي

صحيح حنا بدو ... شكل وتـقاليـد =وطفـنا الصحاري بين شـده وقامه
زفرحاتنا شوف الضعن بالصياهيد =ترعى خضار العود قبل انـصرامـه
ومـسامر الـبارق بلــيـل سرامـيـد = اليـا غفـا ذيـب الـحـكي فــي مــنامــه
لاشك قّلي لا اعتزوا فـ.. الاوالـيد = وكلً سحب منـشا الفـنا ... من خزامه
من يثـبـت الوقــفه بوجه العــباريد =اليا تـساوى الموت هو ... والسلامــه
ومن يستمع صوت البنادق زغاريد = لاشاش واستـبـسل وذبّ العمامه
غــير البــدو نـزالة الـبـيـد والريــد = رجّالــهم فـعله يـسابـق كــلامــه
واليا تطاروا .. بالكرم والأجاويد = مـن يـمّهم هبت رياح الكــرامة
للـضيف ماعشوا شحاحٍِ معاريــد = تــقـريه وتعـزّه وتـرفــع مـقـــامــه
لو الزمن وجهه شحوب وتجاعيد = بالوجود ماحدٍ قال فيهم ملامه
بالجود تكفي وأن تناخوا صناديد = مادق فيهم عرق عفن ورخامه
واليا زبنهم منقضى العمر تشريد = تذريه عن نــفـح النـكـد والــنـدامــة
هم مسند اللي مالـقى له مسانـيـد =وهم مسعد اللي قاسي الوقت ضامـه
واليا وعدوا مايــخلفون المواعيد =بـوجـيـههم تـلـقى الـوفـاء له علامة
وعلى مواريد المراجل مواريد = وعلى المعالي لهم صيت وزعامة
بدوِ لهم هيبه وصبيان توحيد = ومــجـدِ رفــع هـامه ونـزّل بـهـامــه
غاضوا به اللي ينقل الحسد والكيد = ويفخر به الصاحب بشامه ويامه
فيهم عطى التاريخ قيمة وتخليد = وفرض على كل القـلوب أحترامــه
ماحصلوه بزيف هرج وهرابيد = ولا بــجـمـع الـمال ولا بــوسـامــه
جا... بالكرامة والظفر والبواريد = ولا هو بضرية حظ ولا غشامة
وتبقى البدو يزهى بها كل تمّجيد = في كل عصر وكل أرض بكرامة

يمنع منعا باتا وضع الايميل في التوقيع

ياشعر وقف للكرم وللكريمين ....... اجلال واحترام لكل العشاير .

وخص منهم بدو ديرة فلسطين ..... ولبير السبع تحديد مني بشاير .

اربع قبايل على الراس والعين...... ليهم تحياتي بصدق المشاعر .

وأنا انتمائي ياعرب للترابين ........ ربعي وان دارت علي الدواير