المكان
ونبضة عروق الثواني
والسكون
السكون .. اللي كساني
وكل شي
كل شيّ ٍ في غيابكـ يحتريكـ
كل شي
حتى ظلي
ورعشةٍ تملا محلي
تنادي عليـكـ
ودها يسكن رعدها .. وما تعاني
ودها تنسى الأماني
وكل شي
كلّ شيّ ٍ في غيابكـ يحتريكـ
كل شيٍّ فـ انتظاركـ
يوم شفت الكل حولي يموت فيكـ
الا أنا من جروحكـ
حتى ما اوله عليـكـ
كل شيّ .. " الا أنــا " .. في غيابكـ ما احتريكـ
..
لـ.. زياد
قال: هاكـ الورد كله .. قلت: هاته
وانت هاكـ اللي لغيرك ما عطيته
يا حبيب الورد لا تاخذ صفاته
ما بقى للورد وصف ما خذيته
..
امس لف الحزن قلبي في عباته
وابتديت ارسم معاه حدود بيته
ما شكيته يوم تخنقني جهاته
بس يوم انه خنق قلبي شكيته
لا تلوم القلب يا ماه ونباته
قل فمان الجرح والا قل فديته
..
ياشقيق الطيب بأسماه وسماته
كل حرف لطاري أيامكـ دعيته
والقصيد بيدكـ محياه ومماته
قلي أكتب وان بغيت أنسى .. نسيته
يوم جبت الورد كله .. قلت: هاته
لا تخليني وكني ما خذيته
..
لـ.. عبدالله ذويبان
ابد لا يزعجكـ همي على ما صابني مشكور
انا اللي وإن كثر همي أزيده غيض بسكاتي
..
لـ.. سديم
صدمه جديده ,, وأدري الحظ زينه
وادري متى ماقلت ,, زانت ,, تردت
وأدري المسافه بين ,, قلبي ,, وبينه
مثل المسافه بين ,, أزمه ,, و ,, عدت
..
لـ.. طارق
يالشحوب اللي غزا كل الملامح
ازرع بصدري جماد.. ولا تسامح
..
ذاب غصن الشمع من لمعة لهب
وانطفى نورٍ يسمّونه .. طموح
مثل خفّاقٍ من الدنيا تعب
عاف حظه ثم حبته الجروح
صاحبي مادمت عايش.. لا تحب
وين تلقى لك اذا حبيت روح
شفني من جرحي تعودت العتب
ما ذبحني غير صدقي والوضوح
والزمان اللي لـ ضحكاتي سلب
عادته يبدا بكل قلبٍ سموح
لي ضلوع اوقات تصبح من حطب
والعيون احيان ما تبكي .. تنوح
ضقت في كل الوسيعه والرحب
ما التفت الا وقدامي صروح
هذا حالي للفرح ابغى سبب
وين ما وديت همي.. ما يروح
صاحبي آخر كلامي .. بانسحب
بترك اللي راح وابدأ بالنزوح
صاحبي .. خذها نصيحه .. لا تحب
وان تمرد بكـ خفوقكـ ..... لا تبوح
..
لـ.. زياد
تعبت أحمل من الذكرى على المتن النحيل حمول
وانا نفسي وهي نفسي وربي ما تحملها
لأني كل ما أقرب اشوف ان الطريق يطول
وهو صعب على ارجع والا صعب كيف أكملها
اخاف ارجع والاقيني على هاك الـ(هنا) مقتول
واخاف امشي لآخرها واشوفه يشبه أولها
..
لـ.. عبدالله الكايد
ألا يا صاحبي .. الرفقة ترى ما هي ثياب جداد
تبدلها متى مليت .. وتلبس غيرها ثاني
إلى ضاع الوفا .. مابه هوى بارجيه أنا .. ووداد
ترى ذا الفرق .. بين أقرب قريب .. وبين عدواني
..
لـ.. البدر
اجمع احلى القول وانسى اوله
في غيابكـ وآنا خدي في يدي
لي متى ؟! ملت شبابيكي الوله
ما تذكرني سوى حظي الردي
انت ياللي هناكـ بعدكـ ما اطوله
دلني القـاكـ تكفى .. سيدي
..
لـ.. زياد
لو يبور الملأ ما أحسب حبيبي يبور
وأحسب اني أموت ... ولا يموت الوفا
وأحسب انه على هاكـ المودة ... غيور
ما احسب ان الشعاع .. اللي بقلبه طفا
كيف يانور عينى ... وانت للعين نور
يختفي نور وصلكـ في ظلام ... الجفا
اثر قلبكـ على فرقا الولايف جسور
واثر ... طرفكـ اليا سهرت عيوني غفا
..
كل حيـ (ن)ٍ اليا دارت لياليه ...يدور
كل قلبـ (ن) اليا ... عفت جروحه عفا
ويل قلبـ (ن) توالت فوق جروحه كسور
كل جرح الهوى ... يا صاحبي ما كفا
التمس لك عذر ... لو كان ما أنت معذور
وان جحدت الموده بان لك ما خفـا
..
لـ.. خالد الفيصل
ليت الغلا مثل القمر بدر وهلال
يبدأ الشهر به مثل ما ينتهي به
..
لـ.. عبدالعزيز المتعب
يا صبح طمني عسى قلبه بخير
يا صبح جب منه الخبر والبشاير
للشوق لذعه .. والوله طعنته غير
وفـ القلب ما باقي فضا للخساير
يا صبح قله كلمة ٍ دون تقصير
قطع الوصل .. قطع الحشا والضماير
..
لـ.. زياد
قولي لهم يا عزوتي ما عابنا موت النخيل
اللي يوافيها الاجل وتموت لكن واقفه
..
لـ.. مساعد الرشيدي
كـثر الليال اشتاق لكـ كثر السنين
انتي حنان العمر ما غيركـ حنان
لــ معانقكـ شـوقي كثر شوق الرمال
لمعانقة غيمة لها عنه زمــان
..
لـ.. سعود بن عبدالله
لـك منــــــــــــــى أحــلـى وردة .. 
..
آخر المواضيع
كـلمـاتـ لـ شــعــراء .. 
