بسم الله الرحمن الرحيم
السلام عليكم ورحمة الله وبركاته
أسـ ع ــد الله جميـع أوقاتكم بكل خير
وأعتذر عن الغياب للفترة الماضيـه
محاورة جرت في بيشه بين كل من
~~~ الشاعر ~~~
سعد بن جدلان الاكلبي
&&&&&&&&&
~~~ والشاعر~~~
ملفي المورقي
ملفي المورقي
أنا أشوف إبن جدلان بين الجماهير=سواة الوزير اللي يسحب عباتـه
أكيد إن عنده علم يالله عسى خير=ولكن ياراعي العلم عجـل وهاتـه
إبـن جــدلان
ليا شفت بن جدلان ويش التفاكير=ومن صاح من صكات الأيام جاته
لا عينت للحمله جماميل وبعيـر=طريق الجمل سمحان درب أمهاته
ملفي المورقي
لو إنك توعد وش يبا يكون ويصير=أعرف الحديث الزين وإعرف رواته
حليل الجمل مير الجمل طاح في بير=على الجمه الزرقـاء تـدلا لهاتـه
إبـن جــدلان
لو المورقي لاحق على سالم الزير=خذ السيف والبرده وسوى سواته
مقادير يا قلـب المعنـا مقاديـر=يوصيك من حبك وتنسى وصاتـه
ملفي المورقي
ترى الذيب يوم يروح فزاع وأمغير=يدور مع البـدوان بلعـوم شاتـه
ترى واحد تكثـر وراه المداويـر=عليه السلام أو رحمته وابركاتـه
إبـن جــدلان
ترى من توطته السنيـن المدابيـر=تعمر قصر فقـره وتهـدم غناتـه
تفضون راس الضلع يا هل البواكير=ولا طاح منكم واحده من حصاتـه
ملفي المورقي
لو أنك تعذر ما تفيد المعاذير=ترى ما يفيد المسلم إلا صلاته
وحنا ليا قمنا نهد الطوابيـر=وياجعل فقر الذيب وألا غناته
إبـن جــدلان
محمل عليك أمن الدراهم قناطير=لكن طيع شوري ود حملك وهاته
أنا خابر صورتك تحتاج تكبيـر=لكن الجهـاز إيعجـل أمكبراتـه
ملفي المورقي
وألا يا سعد ندهن لك السير ويسير=وجنب صحيبـك لا تنكـد حياتـه
هدمنا جبل شمر وباقي شمنصيـر=عسى الدش باكر يطلعه في قناتـه
إبـن جــدلان
ليت المورقي باقي من الكشب للنير=بعيره وماه أو قربتـه وشوهاتـه
صحيب يـدور صاحبـه باتنانيـر=لكنه هقا في الوقت والوقت فاتـه
اتمنى أن أكـون قدمت ما ينال على اعجابكم
فالكم الطيب
مغليكم
فراج بن عون
آخر المواضيع
سعد بن جدلان X ملفي المورقي 
رد : سعد بن جدلان X ملفي المورقي 
لا يوجد توقيــع في الفتره الحاليه .. راجعنا لا حقاً
