بسم الله الرحمن الرحيم
السلام عليكم ورحمة الله وبركاته
أسـ ع ـد الله جميع اوقاتكم بكل خير
الشاعر المعروف / فيصـل الرياحـــي
وقصيدة ~ صرخـة الحزن العربـي ~
سبحان عـلاّم العلـن والغابـي=منزل (تبارك) هازم الأحزابـي
يـارب تغفـر زلتـي وذنوبـي=أنت الغفـور القـادر االتوّابـي
البارحـه يـوم الخلايـق نـوّم=والكون هاجع والنجوم أسرابـي
ناديت قاف الشعر أسلـي بالـي=فربمـا قـافٍ يريـح أعصابـي
الشعر فالوقت إتخذتـه صاحـب=وأعتبره أوفى من جميع أصحابي
يعبر بي آفاق الخيـال الواسـع=ويكتب حضوري في مكان غيابي
أنـا حزيـن ولابقالـي خاطـر=في مايسمى الضحك والإطرابي
حزني على حال العرب يتزايـد=ولافي يدي حيلات غير خطابـي
وهرجٍ على الطرشان ماله خانـه=هدية الصـادق علـى الكذابـي
أحـب روس القـوم وأقدّرهـم=مير اللحى من دونهـا الأشنابـي
دون الجبل هذاك شـوك وغابـه=ودون الجبل هذاك حـزمٍ نابـي
ودون العيون عيون ماهي زينـه=ودون الوجيه وجيه ماترضابـي
كـم واحـدٍ وده يقـص لسانـي=وكـم واحـدٍ وده يشـق ثيابـي
أنا من أفـراد الشعـوب الحـره=أنا سعودي ، وأفتخـر بأنسابـي
وأفخر بحكام الوطـن وأمـاري=وأشيل حب الدار بيـن أهدابـي
وأشره على اللي مايحب بـلاده=مهما يقـول ويشـرح الأسبابـي
حنا جزء من كـل هـذا العالـم=العالـم المحكـوم بالإرعـابـي
رعب القوى الكبرى ورعب القوه=والمـارد المتغطـرس النهابـي
حنا العرب وأحوالنـا مستـوره=من فوقنا الضرس وتحتنا النابـي
حنـا العـرب والقافلـه فاتتنـا=أخر جمل فيها يسمـى أعرابـي
عشرين دوله وأكثر اكثـر منهـا=صرنا حطب للنـار والحطابـي
فينـا المنافـق يلعـن المتمـرد=وفينا الحرامي يشمت النصابـي!
وفينا المداهـن ينتخـي بالخايـن=وفينا الغبي يضحك على المتغابي
نكره لضى الحرب ونحب الكوره=ونتـابـع الفـنـان واللعـابـي
على قنـوات الفضـاء سهرتنـا=نشرب ونرقـص كلنـا ونبابـي
يوم أحمد الياسين يلفض روحـه=وحنا نغني في طرب وإعجابـي
ياحالـة أيـام العـرب ياحالـه=قولو عليهم ، فص ملـح وذابـي
كانوا منارة كل عز ، وصـاروا=أضحوكة التاريـخ ، والأجنابـي
والله مالوم اللـي يفجـر نفسـه=على ثرى الأقصـى ولايرتابـي
متنا قهر ممـا نشـوف ونسمـع=دمٍ علـى دم ونعيـق غـرابـي
دمـع الثكـالا واليتامـا يقـهـر=ومقابـر الشـبّـان والشيّـابـي
والقدس يصرخ والعراق ينـادي=والنار مشهـابٍ وراء مشهابـي
وحنا نقول الحرب مالـه داعـي=ونقابـل العـدوان بالترحـابـي
وأبوابنـا وديـارنـا مفتـوحـه=للقـرد والخنزيـر والسنجابـي
هيا إسمعونـي ياشبـاب الأمـه=ياحاضريـن القـول والغيّـابـي
أنتـم تلاميـذ النبـي وأحفـاده=وقدوتكم أبـو بكـر والخطابـي
أمـا وطنكـم فأكرمـو منزالـه=ماودنا نصبـح شيـع وأحزابـي
ترى الوطن وأنتم ، مصيرٍ واحد=مثـل السفينـه وأنتـم الركابـي
ثوروا على العـدوان بـرا بـرا=ترى هذاك الموقـف الغصابـي
يابوش ياشارون ، مهمـا جرتـم=ومهمـا غلبتـم ، فالله الغلابـي
لابـد مـن يـومٍ عليكـم دايـر=يومٍ عبوسٍ به جـزاء وحسابـي
تاطا نواصيكـم حوافـر خيلنـا=والأرض تلبس ثوبهـا العنابـي
يعتز الإسـلام وتزيـح الظلمـه=وتفكـك الأحـلاف والأقطابـي
وترفرف الرايات فوق الأقصـى=ويعود في بغداد ( حامورابـي )
إن كان ماخلف الحقوق مطالـب=راحت سبايا في يديـن السابـي
وأقفـوا عليهـا خايبيـن الذمـه=وحطوا حجابٍ من وراه حجابي
وإن كان مافالقوم رأسٍ ساطـي=راحوا على وجه التراب ترابـي
وكان النساء ماينجبـن الفـارس=ليش الزواج ودوشـة الإنجابـي
عيالنا عاشـوا علـى قـول الله=مانعـرف الأزلام والأنصـابـي
حنا نحب الديـن مانسخـي بـه=ياكم كسرنـا شوكـة الحرابـي
قالـوا إرهابييـن ، قلنـا حـنـا=نرهب عـدو الديـن بالقصابـي
وإن كان الإرهاب الجهاد الواجب=ضـد اليهـود وباقـي الأذنابـي
والـذود دون مقدسـات الأمـه=والديـن والتاريـخ والأحبابـي
فلتشهـد الدنيـا ومـن عليـهـا=وليشهـد الله إنـنـي إرهـابـي
أنا من أتبـاع الرسـول محمـد=بدر الليالـي طاهـر الجلبابـي
السنـة الغـراء علامـة دينـي=وكتـاب رب العالميـن كتابـي
هاذي قصيده من قصائد فيصـل=فيها العسل يخلط بسـم الدابـي
يقولها الشاعـر ويرفـع رأسـه=ماهـمـه النـقـاد والسبـابـي
إلا على الغلطه ماهـوب يكابـر=ولاياخـذ القيفـان بالمشعـابـي
يـارب ياعالـم بمـا لا نعـلـم=أنت الكريـم المنعـم الوهّابـي
أحفظ وطنـا والملـك وإخوانـه=خدام بيت الله ، مثـار إعجابـي
وقفاتهـم دون الوطـن معروفـه=والشعب معهم ، والجميع أقرابي
مع يد ولاة الأمـر يدنـا وحـده=أعوان ضد المنحرف والصابـي
تمت وصلوا عد خلـق الخالـق=على محمـد طاهـر الجلبابـي
فالكم الطيب
مغليكم
راعي الرايـــــــ فراج بن عون ـــــــه
آخر المواضيع
وليشهـد الله إنـنـي إرهـابـي 
رد : وليشهـد الله إنـنـي إرهـابـي 
لا يوجد توقيــع في الفتره الحاليه .. راجعنا لا حقاً
