حييـت يالهاجـس الملـيـان
من بعد ما غبـت لـك مـده
عقبك هجوسي ثـلاث الـوان
زينـه وشيـنـه ومحـتـده
مرٍ تجيـب البيـوت سمـان
اغـنـي البـيـت واعــده
ومـرٍ كـذا مالهـا عـنـوان
احدحـد الـقـاف واحــده
ولا وصل الخاطـر العمسـان
وده يــغــنــي ولا وده
ما كـل ليـل ٍ وهـو طربـان
خـصٍ ليـا حـس بالصـده
البعـد يثّـر علـى الشريـان
والعيـن والكـبـد والـغـده
والرجل لا اصبر بعض الاحيان
تجـيـه هجـمـات مـرتـده
فرقا ولايـف وفقـد اخـوان
ومشاغـل ٍ تصـلـه حــده
يا عزتي لـي مـن الحرمـان
ياللـي تجيـب الخـبـر وده
ما غير اوقف علـى اليبـان
واجابـه الحـزن واضــده
وما عاد لي شف في الريـان
لـو انــي اغلـيـه واوده
من سافـر محمـد وسلطـان
ربعي علـى الليـن والشـده
مالي شبيهٍ سـوى الشيهـان
الـيـا اطـلـع وفــز للهده
في كف بزر ٍ مـن البـزران
متقبـض ٍ فيـه مـن جــده
يقـول لا طـار فـي البـران
وشلـون الاقـيـه وارده ؟!!
الشاعر/الشيخ مبارك آل خليفة
آخر المواضيع
((( فرقا ولايف وفقد اخوان ))) 
