ياروح روحي غيبتك طولـت حيـل=عساك ما انت لصادق العهد بايـق
واهل المحبـه صادقيـن الاقاويـل=تحفـظ لتوثيـق المحبـه وثايـق
ودي بشوفك شفـت بعـد بهاذيـل=لكن البلا بالـدرب دونـك عوايـق
وحب العذارا ناقضـات المجاديـل=يحرق قلوب اهل القلوب العشايـق
سيفه يطـوع ناطحيـن المقابيـل=لقلوبهم مع ساحت الحـب سايـق
اللي لهم هيبه تخيـف الرجاجيـل=ويزبن عليهم كل مبلـي وضايـق
من حب منهم لابسـات الخلاخيـل=باله ماهو في كل الاوقـات رايـق
خصٍ بعد نـوم المخاليـق بالليـل=تشب في صـدره لهيـب الحرايـق
ويا بنت ياللي لك على البيض تنفيل=وزينك على زيـن الغناديـر فايـق
ابنشـدك وابـي مـرك بتعجـيـل=وطالبك انا بالـرد قـول الحقايـق
كان الغلا محفوظ لو طـول الطيـل=للصبر عند النـاس عـدة طرايـق
اصبر يذكربـه مـن الله تساهيـل=من اللي عليماً في نوايـا الخلايـق
وانكان حبك بـه دعايـه وتمثيـل=وعلومكم صارت كـذوب ولفايـق
الكذب عيـب ولابقولـه محاصيـل=والنقع مايشبـه بحـوراً عمايـق
والنفس ماتقبل مهونـه وتفشيـل=ولاني من اللـي للمقفـي لحايـق
ولارسل وراهم بالعلـوم المراسيـل=ولازينهم للعيـن والقلـب شايـق
آخر المواضيع
ياروح روحي غيبتك طولـت حيـل 
