ياقلب خلك مع الهاجـس ودالوبـه = ون لجلجت عيطموس الفكر لجلجها
زود لهبها لهـب والنـار مشبوبـه = تـرا النعومـه ليـازادت تسمجهـا
مادامهـا حـرةٍ ماهيـب مقضوبـه = اطلع مطاليعهـا وانهـج مناهجهـا
شرايدٍ من بنـات الريـح مجذوبـه = الخـد ميدانهـا والفكـر يسرجهـا
تجيك مثل الذهب والماس مصبوبـه = تبرد سواعير صدري من توهجهـا
لايابعد من يعيب ويجهـل اعيوبـه = عينه على الناس قصده بس يحرجها
وقت الرخا يسحر الجهال باسلوبـه = سليط ومحايلي يعـرف مخارجهـا
كل المفاهيم حسب اريـاه مقلوبـه = ايدرهم المخطيـه والـلا يدرجهـا
وليانخيته نـزل رأسـه العرقوبـه = والهرجه اللي قبل ماعـاد يهرجهـا
ايوالله اني طويت ارشاي من صوبه = اللي وجيه المراجل عمد يسهجهـا
الياحمت شمسهـا واشتـد لاهوبـه = روس الحمايل لياحجـت حجايجهـا
ربع الشدايد وروس العز معصوبـه = تثني ليا دلبحت فزعـة حوايجهـا
تقوم من طيبها ماهيـب مغصوبـه = لـو المنايـا تنطحهـا وتدرجـهـا
خطلان الايدي وكلن دون ماجوبـه = اكبود تسحن لها وكبـود تبهجهـا
جدانهم ورثـوا طيـب وتواصوبـه = الشرع دستورها والحـق منهجهـا
ادناهم ان قلت تكفا ضاقبـه ثوبـه = يرمي بروحه وماجابـت نتايجهـا
ترجمت من ضيقتي غايه ومطلوبـه = لاضاق صدري بنات الفكر تسرجها
ومـدام الارزاق والاقـدار مكتوبـه = تضيق عنـد البشـر والله يفرجهـا
لشاعر / مجعد بن متعب
اختياري / الســـــــاهره
آخر المواضيع
روس الحمايل لياحجت حجايجها 
لا يوجد توقيــع في الفتره الحاليه .. راجعنا لا حقاً
