&...عقبه حياتي كلها في مملـة...&

ياطير ياللي في خفوقـي محلـه=سطر خفايا الروح فـي ود وداد
وانثر لنا عقـد المحبـة وفلـه=واذكر صغيرٍ فالهوا مابعد سـاد
وبلغ سلامي لـل....... وقلـه=اني على خبره صويبٍ ومنقـاد
واحمل هدايا الود مني وسرلـه=واتبع دروبٍ قصر لاتتبع بعـاد
عوقي ترا في فـوادي استحلـه=ووثق حبال الود في زيف ووكاد
عقبه حياتي كلهـا فـي مملـة=ودونه جميع الناس من دون تعداد
أما يجينـي مثـل ماهـو بكلـه=ولا فلا ذلـه ولانبغـي إجحـاد
ياطير خذ منـي فـوادي لخلـه=وبلغ قروم الناس عنده والأشهاد
أني على شوفـه فـوادي تولـه=واني على بعده أبد مقدر اعتـاد
وثني سلامي من ضميري وشله=واصدح بصوتٍ لـلآذان مـداد

شب المنـارة يـا رفيـق المحلـه=ظوٍ عليهـا مـن المجاميـر وقـاد
ثم دن هـال وزود بنـن ودلـه=فنجالها للكيف لى يسنـد سنـاد
ودي اشـل فعالـي النـد شلـه=بابيات ظميا يطرب الكيف بانشاد
حييت يلي قاصـدٍ فـي سجلـه=وبالجيل شاكاني ولي قصد قصـاد
اهلا هلا بلي شكى بعـد خلـه=والعشق نار تصلي احساس وفواد
يامرحبـا اعـداد سبـر الاهلـه=وقت الصيام ولي دنى وقت الاعياد
واعداد قطرٍ مـن خيـال يهلـه=في مدهم غيومٍ به البـرق وقـاد
وماجور ياقلـبٍ شفـوقٍ تولـه=وجفنٍ نساه النوم ماغـض برقـاد
وفكر عساعيس الهواجـس تتلـه=تلت ظوامي القيـظ للبيـر وراد
وقلب على جمر الطـواري يملـه=شوقٍ على خلٍ له الشوق وقـاد
منها الصدر كن الشبـاري تفلـه=في صرخة تشدي على صوت رعاد
وماجور ياشاكي غيـاب الاخلـه=يالله عسى جمـع المحبيـن ينعـاد
وتسعد بشوف اللى بحبـك تدلـه=وقلبك على وصله هزوف ونشاد
واختم مقالي بيعلـك بحفـظ الله=من شر شيطانٍ ومن كيد حسـاد

ياطير من ناداك لبيه قله=وريّح فؤاد اللي يناديك نشاد
كانه بغى خلّن تولّه لخله=أسرع بمقصوده بتقريب الابعاد
واليا أمرك بشي ياطير حله=جاوب صداه ولاتأخر بالايفاد
وصل مراسيله وهو في محله=ورتل على سمعه تراتيل وانشاد
إسمع ندا (( ظميا )) دقاقه وجله=ياطير تكفا لا تطوّل بالاعياد

حي الكريم اللـي لفانـي بكلـه=عد المزون وزود (ع) كل العباد
حييت يانسـل الكـرام الأجلـة=بالطيب ساكن لا ولا تعرف أحقاد
دعواك للي شاكـيٍ كـل علـه=ربي يعليها على صوت حسـاد
عزي لقلبٍ ماشكـا غيـر خلـه=وشوقه على بعد المحبين يـزداد
اتعب فـوادي بالعنـا ثـم تلـه=وماحدني إلا علـى زود مقعـاد