الديـن واضـح مايبيـلـه اخـتـراع

تستّـري يـا بنـت وامشـي بالقنـاع= الستر أحـلا مـن التبـرّج والسفـور
كان الحيا والعرف والمعروف ضـاع= عند العرب ماضاع مع مـر العصـور
هذي اعصايه بل خيانـه بـل ضيـاع= هـذا التّخلّـف والتّكلّـف والفـجـور
ماهمّنـي لانّـنـي رجــلٍ شـجـاع= لوصرت أنا المنبوذ من بين الحضور
أقولهـا الحالـي ووسـط الاجتمـاع= خوفن مـن الفتنـه ودفعـن للشـرور
وانهى عن المنكـر بقـدر المستطـاع= لاترتضي بالهـون يالرجـل الغيـور
ترضى تشوف أختك بهـذا الانطبـاع= ترضى تشوف اختك على المسرح تدور
أحلف بـرب البيـت والسبـع الرفـاع= وأحلف برب البيت والسبـع الحـدور
انّـك مـا ترضـاه وعنـدك اقتـنـاع= ان اللـذي يكفـر بقـول الله كـفـور
واذا بــلاك الله بـحـب الاطــلاع= اقـرا كتـاب الله وتلقـى فيـه نــور
يازيـن ترتيلـه وزيــن الاستـمـاع= هو خير زاد ايـزاد مـن دار الغـرور
شوف النبي وش قال في يـوم الـوداع= احفـظ صلاتـك والامانـة لا تبـور
ليـا سنبـك البابـور ارفـع للشـراع= مادامهـا خضـرا فعجّـل بـالامـور
الدايـم الله وانّـمـا الدنـيـا مـتـاع= واخير متاعن قالـوا البنـت الستـور
الشـر واهـل الشـر دايـم باتسّـاع= يـردون لاجلـه بالحناجـر والنحـور
الديـن واضـح مايبيـلـه اخـتـراع= واللي عملتـو تاجدونـه فـي القبـور
فلا تغـرّك ضحكـة انيـاب السبـاع= ينهب ثمرك ويحذفـك قطعـة قشـور
ابليس حـي وحولـك اذيابـن جيـاع= واطيبهم اللـي كنّـه الكلـب العقـور
هـذا شـرف ماهـو بنفنـوفٍ يبـاع= هذا شرف ما هو بتـرف والا عطـور
الـى متـى وانتـي فريسـه للخـداع= تستّري وتوبـي الـى الـرب الغفـور
شومي ورومي عن ضلالات الرعـاع= البيت أستر لك وخيـر مـن الظهـور
تستّـري يابنـت وامـشـي بالقـنـاع= الستر احـلا مـن التبـرّج والسفـور

لا يوجد توقيــع في الفتره الحاليه .. راجعنا لا حقاً
ونتمنى لك دوام الصحـــه