قصــه نــــــ عــــبد الله ــــــــور (الجــزء الثــاااني)

الســـــــــــــــــلااااام عليــــــــــكم ورحمه الله وبــركااااتــه...

جبيت لــكم الجـــــــــــــــزء الثــااني...


وهذا الجزء الثاني

الجزء الثاني
الرياض .. وتحديدا في مجلس محمد بو عبدالله .. جالس هو وعبدالله وفراس بعد الغدا
بوعبدالله : فراس حط الاخبار يابوك .. خلنا نشوف وش صاير في هالدنيا
عبدالله يبي يمزح مع ابوه : يبا خلنا نطالع هالشقر والحمر .. يازينها هالبنت ااه ياقلبي ..
بوعبدالله : وليش ماتتزوج وتفكنا بدال ماتشوف هالشقرة والحمرة .. ياوليدي الين متى بتم عزوبي من غير عايلة ولابيت ولا عيال ولا مرة تحط بالها عليك
عبدالله : انا وش اللي خلاني افتح هالموضوع .. يايبا .. خلص انتا عارف رايي بالزواج الله يخليك لاتفتحه معي مرة ثانيه
بوعبدالله : انتا كل مرة جذي .. كل مافتحت هالموضوع معك رديت علي برد مثل وجههك .. احترم شيبتي وانا ابوك .. ترى مابقى بالعمر كثر مامضى .. وهذي امك توفت وهي زعلانه عليك .. كان ودها تشوف عيالك .. يعني تبيني اموت بعد وانا للحين ماتطمنت عليك
عبدالله : بعد عمر طويل يايبا لا تقول جذي .. الله يعطيك الصحه والعافيه . . بس الله يخليكم خلوني بحالي
فراس : عبدالله والله اللي يقوله ابوي صح .. انتا الحين بالثلاثين .. اذا الحين ماتبي تتزوج عيل متى ..!!
عبدالله : اوووه يافراس .. ابيك عون تصيرلي فرعون .. كافي علي ابوي حرام عليكم
طلع عبدالله من المجلس وهو معصب ونفس الوقت تعبان والحزن مالي قلبه .. يايبا انتا ماتدري بالحال ..
امي ... اااه ياامي .. وينج يالغاليه . وحشني حظنج .. زعلج علي خلاني اكره شي اسمه زواج .. صرت عايش بشتات يايما .. ودي افرح ابوي ودي اريحه .. بس امااقدر .. مااقدر
قعد يحوس بالسيارة وهوا موعارف وين بيروح .. وده لو يرتاح .. وده لويخفف هالحزن اللي بقبه بس عند مين ..!!
شوي ورن تلفون عبدالله
عبدالله وهوا يشوف المتصل .. اوو هذي شتبي
عبدالله : الو
هديل : الو هلا حبيبي
عبدالله : هلا حبيبتي
هديل : انتا وينك .. 10 مرات ادق عليك ولا ترد
عبدالله : مشغول ياقلبي بعدين اكلمج
هديل : الوو الوو عبدالله .. لحظة لاتسكر
عبدالله : هديل ترى مالي خلقج يله باي

سكر تلفونه واتجه للكورنيش .. وتم يشوف البحرويرمي همومه اللي محد يدري عنها غير رب العالمين
عبدالله من النوع اللي علاقاته كثيرة .. لكن ماعمره فكر انه يتزوج او يستقر لاسباب راح نعرفها بعدين


بالكويت .. وتحديدا بسيارة خالد
هشام : اما اليوم التدريب كان متعب حييل والله مافيني حيل اتحرك
خالد : أي والله وانتا صاج .. شنسوي مابقى على المباراة الا اسابيع
يرن تلفون هشام المتصل كانت نور
هشام : اووو هذي نور وفروح .. يبوني اوديهم السوق اليوم ماني راد عليها والله مالي خلق
خالد من سمع اسم نور وقلبه قام يدق ..
خالد : حرام عليك رد عليها .. يمكن تبيك بشي مهم ..
هشام : انتا ماتعرفهم هذول حريم .. ان اقعدوا بالسوق ماراح يطلعون ..
خالد يسوي روحه مو مهتم : زين قولها انك ماتبي توديها يمكن قاعدين ينطرونك
هشام : من صجك انتا لا يبا بتسويلي تحقيق وتقعد تبجبج
خالد يقول بقلبه .. ياليت اقدر اوديها انا .. جان ماخليت مكان بخاطرها الا وديتها
هشام : هيييي انتا انا اكلم منو .. !!
خالد : هاا .. شنو ايي . شنو قلت .. معاك انا .!.!
هشام : اوو الحبيب سرحان منو ؟
خالد : محد والله ..
هشام : زين هاا ظبطلنا طلعه باجر نبي نغير جو
خالد اللي حس بقهر على نور وفرح .. حرام ليش هشوم مايفكر فيهم .. اهما اكيد طول الوقت محبوسين .. وهشوم طول الوقت معاي
خالد : هشام .. دامك اليوم ماتبي تطلع خواتك طلعهم باجر
هشام باستغراب : وانتا وايد هامينك يعني ؟ ليش شايل همهم ؟
خالد بارتباك ..: هاا انا لا ولا شي .. بس تذكرت حال ريوم اختي .. بعد اهيا ضايق خلقها وتبي تطلع قلت انا بعد بطلعها
هشام : صج والله .. خلص انحلت .. يروحون يميع واحنا نطلع
خالد اللي حس بوهقه صج .. لانه ريم ماقالتله انها تبي : هاا لا يمكن خواتك يبون يكونون بروحهم خل ريمو القرقة بتصدع راسهم ماتعرفها انتا
هشام : حرام عليك والله بنات عم ولا يتشاوفون الا بالمناسبات .. خلنا نقربهم من بعض
خالد : والله انتا عارف شلون ريم تحبكم وتعزكم بس خواتها الله يهداهم من سالفة راشد واهما للحين شايلين بخاطرهم
هشام : من صجك خلود .. السالفه مرت عليها سنين الحين ..وبنت خالتك تزوجت .. وبعدين كلشي قسمه ونصيب
خالد : والله انا عارف .. وادري زين انه راشد ماكان يفكر يتزوج الا اختياره اهوا .. ويوم خواتي اخطبوله وفكروا بسلوى بنت خالتي لانها يتيمه وابوي شجعه الفكرة ومافكروا ان الاختيار مو لهم .. لراشد
هشام : ومن عقبها خفت يياتهم وروحاتهم وماصاروا يتشاوفون الا بالمناسبات وخالد فضل الدراسة ببريطانيا عاشان يبتعد عن المشاكل وعوار الراس
خالد : خلص انا بكلم ريم باجر وانتا شوف نور وفرح وبينا اتصال ان شالله
هشام اللي ذبحته نورمن الاتصالات وقرر اخيرا يرد عليها
هشام : الو
نور : هشوم انتا وينك .. كل هذا تدريب يلله راح نتأخر بعدين ترى احنا من المغرب لابسين ننطرك
خالد قاط اذنه يحاول يسمع أي كلمة تقولها نور تشفي علة هالقلب
هشام : هلا والله بالطش والرش .. والله نور اسف ماقدر اوديكم اليوم حدي تعبان ومالي خلق
نور : زين خلص كيفك
هشام : انزين لاتزعلون قولي حق فروحه انكم بتروحون باجر السوق مع ريم بنت عمج
نور باستغراب : منو ..!!!
هشام : ريم .. ريم .. شفيج
نور : لا ولا شي .. خلص لما تيي البيت نشوف
هشام : اوكي يله باي
نور : باي
خالد اللي حس بضيق هشام : شفيك انتا بعد ؟
هشام : حرام اكسروا خاطري تدري فروح تحب المطاعم مر على مكدونالدز خل نيبلهم شي
خالد بتردد .. بس مايدري شلون طلع منه هالسؤال .. : وونور ؟
هشام : ماتحب ماكدونالدز .. خلص لما ارد البيت اطلبلها
خالد بلاشعور : شنو تحب .. خلنا نمر مرة وحده
هشام مستغرب من خالد حيل : انتا شسالفتك ماتقولي
خالد بوهقة : انا ولا شي .. بس كاسرين خاطري
هشام اللي يعرف ولد عمه عدل : انزين مر برجر كنج .. خل نطلب لها شي
خالد بفرح يحاول يخفيه : اوكي

من مواضيع غــــرام
0 اول خواطري... فاساعدني برايك :)
0 قصـــه نــ عبــــــــدالله ـــــور ......قصه كويتيه سعوووديه....
0 معـــرض غـــــــــراااام للاسلحه....
0 ~*¤ô§ô¤*~لا تتعجــب ~*¤ô§ô¤*~
0 قصــه نــــــ عــــبد الله ــــــــور (الجــزء الثــاااني)

توقيع غــــرام

لا يوجد توقيــع في الفتره الحاليه .. راجعنا لا حقاً
ونتمنى لك دوام الصحـــه

من مواضيع نبض المشاعر
0 مجوهرات Bulgari
0 للعرائس ... يم يم
0 للإبتسامة فلسفة غريبة
0 مـ مـ نوع الاقـ تـ راااااب
0 إعلان لإلتحاق بجامعة الكويت لسنة 2007/2008

توقيع نبض المشاعر

ان شـــاااء الله... اتمنى ان القصه تعجبكم..

من مواضيع غــــرام
0 الى رئيســــكــــ وان شاء الله تحصـــــلون ع ترقيه...
0 قصـــه نــ عبــــــــدالله ـــــور ......قصه كويتيه سعوووديه....
0 >>>>> فـــرص ذهبيــــــــــــــــــــة<<<<<<
0 بنااااات شــواافـــوااا ابــواا قــاااســــم... (يوميااات ابوقاااسم)
0 فضـــــــــايح الشبـــــــــــاب في المطــــــاعم.... لا يفوتكم

الرياض .. وتحديدا في مجلس محمد بو عبدالله .. جالس هو وعبدالله وفراس بعد الغدا
بوعبدالله : فراس حط الاخبار يابوك .. خلنا نشوف وش صاير في هالدنيا
عبدالله يبي يمزح مع ابوه : يبا خلنا نطالع هالشقر والحمر .. يازينها هالبنت ااه ياقلبي ..
بوعبدالله : وليش ماتتزوج وتفكنا بدال ماتشوف هالشقرة والحمرة .. ياوليدي الين متى بتم عزوبي من غير عايلة ولابيت ولا عيال ولا مرة تحط بالها عليك


لا هنتي مشرفتناااااااااااااااا

ننتظرالجزء الثالث

من مواضيع أبو قاسم
0 مفاتيح قلب المرأة.......
0 معركة التمااااااااااسيح يرجى عدم دخول الاطفال
0 لله ما اخذ ولله ما اعطى
0 غرائب السحالي لاتعد ولاتحصى ؟؟؟؟؟؟؟
0 تعرفوا على هذه السحليه

توقيع أبو قاسم

عجبك هالمقطع خخخخخخخخخخخخخخخخخخخ


ان شــــاااء في وصووول...

من مواضيع غــــرام
0 بنااااات شــواافـــوااا ابــواا قــاااســــم... (يوميااات ابوقاااسم)
0 اول خواطري... فاساعدني برايك :)
0 >>>>> فـــرص ذهبيــــــــــــــــــــة<<<<<<
0 ابــــوس راس عنــــــــــــــــــاهـــــــــــــــــــــــا.... ..
0 خلااااااااااااااااااااااااااااااااااص

من مواضيع نبض المشاعر
0 إعلان لإلتحاق بجامعة الكويت لسنة 2007/2008
0 آلة صراف في المنزل !! تخيلي ذلك
0 مـ مـ نوع الاقـ تـ راااااب
0 للإبتسامة فلسفة غريبة
0 للعرائس ... يم يم