الوداااااع

قال استمع منّـي قبـل لحظـة وداع=
ياللي غلاك بداخل القلـب مـزروع=
وارجوك لا تنسى وليف ٍ لك انصـاع=
ومن وين ماودّك يجي دايـم ٍ طـوع=
يفرح بشوفـك وان تغيّبـت يلتـاع=
يغليك من قلبه ويضويلـك شمـوع=
قدّر ظروفه وافتهـم كـل الأوضـاع=
لا تزيد هم القلب و القلـب موجـوع=
لا تحسبنّي يا هـوى البـال قطّـاع=
ولا تحسبنّي في العشاشيق مخـدوع=
والله فلا غيرك سكن بين الأضـلاع=
ومهما يطول الوقت لك قدر مرفـوع=
ياما عشانك ساهـر ٍ بيـن هجّـاع=
أهلّْ دمع العيـن والقلـب مفـزوع=
اقولهـا صـادق ولا نيـب خــدّاع=
ماهوب أنا اللي مِنْه الأحساس منزوع=
وقال الوداع ابَّسمة ٍ حلـو الأطبـاع=
قصده يواسيني وأنـا كلّـي دمـوع=
اقفى وانا من ما حصل صرت مرتاع=
مدري حقيقـه أو تصاريـف دلـوع=
اقفى وقلبـي داخلـه هـم وأوجـاع=
انا اشهد أنّه لاعني صاحبـي لـوع=
ما يرجعه دمع ٍ ولا عض الأصبـاع=
خلاص أنا من شوفة الخـل ممنـوع=
لا واحسايف حلمنا في الهوى ضـاع=
والله يعين القلب لا صـار مفجـوع=

مع أجمل التحيات

إقتباس   المشاركة الأصلية بواسطة كلي فداك ابيات رائعه تسلم يمناج ورد قطر

إقتباس   المشاركة الأصلية بواسطة البدو اختيار جميل تسلم الايادي ورد قطر