لا تعتذر يا للـي تسـوق المعاذيـر=مال العذر في بعض الأحيان خانـه
لو العذر يا راعـي العـذر تكفيـر=كفـرت سيـات الغـرام أبحسانـه
لا شك مـا بقيـت للعسـر تيسيـر=أخذت كل اليسر فـي غيـر أوانـه
ليتك حسبت أحساب طول المشاوير=ما بيـن صلفـات الزمـان وليانـه
عسرتهـا والله علـيـه التياسـيـر=وما خذت من ماضي التجارب فطأنه
بودعـك دام الرجـاء بالمقـاديـر=قـدام مـا ينـدب خفوقـي زمانـه
وباقول ما قالوا العرب خير ياطيـر=ما طـاح نجـم الا ونجـمٍ مكانـه
وأن مرني ذكرك معى تالي عصير=بقول مـا صـان الأميـن الأمانـه
وبلقى النفسي الف حجـة وتبريـر=ورخي على قلبي لهجـرك عنانـه
مليت من قولت عسى المقبلة خيـر=ومليـت تسميـت الخطايـا ميانـه
وزريت للقاء للجفـا منـك تفسيـر=هذا وأنا اللي ما بخـل فـي حنانـه
حبيتك وبديـت حبـك عـن الغيـر=وحطيت لـك بيـن الحنايـا مكانـه
كنت بعيونـي سيـد كـل الغناديـر=دانه وشوفك غير عـن كـل دانـه
لو تطلب اللي مستحيل أنـه يصيـر=ايسـره لـو هـو عسيـر اطليانـه
ورغم الوفاء جازيتنـي بالتعازيـر=وبصـد هديـت الغـرام وكيـانـه
وخسرتني والا أنت بغلا المخاسيـر=وكسبت قلبٍ مـا كسبـك أرهانـه
واليوم جاي مصخر العذر تصخيـر=ما كنك اللي خان عهده مـا صانـه
روح مراح مقيـط ورشـاه بألبيـر=مرضى على النفس العزيزة لهانـه
مـع السلامـة رافقتـك التياسيـر=يبلغـك قلبـي جـزيـل امتنـانـه
ولا تعتذر ما عاد تجـدي المعاذيـر=العذر مـا بـل الحلـوق الظمانـه
لشاعر / هادي اليامي
اختياري / الســـــاهره
آخر المواضيع
خيـــر يا طيــــــر .. 
لا يوجد توقيــع في الفتره الحاليه .. راجعنا لا حقاً
