حييـت ياستـر الرعابيـب حييـت=اعـداد ماحجـاج مـكـة يجـونـه
حجاج تحرم مـن جميـع المواقيـت=يبـون رحمـة ربهـم يرتجـونـه
شعبك تباشـر يـوم للمملكـة جيـت=من حرصهم ساعات شوفـك يبونـه
وقلوبهم دايـم معـك ويـن مالفيـت=وسلامتـك مـن ربهـم يطلبـونـه
في جولتك حرصٍ على الخير حضيت=مصالـح الوافيـن دافعـت دونــه
بالصين وماليزيا بالاخلاص ناديـت=تخاطب بصدق و قو وايضاً مرونـه
والهند وباكستـان وزيـارة كويـت=شعبك مراحـل رحلتـك ينظرونـه
في منتها التقدير ولو فيـه تصويـت=لرضـاك كـل اصواتهـم يكتبونـه
وافـي وعنهـم بالوفـا ماتخلـيـت=وفـاك عقـال الـمـلا يدركـونـه
ويوم النبي شنوا عليـه الطواغيـت=حمله على اوصاف الخطا ياصفونـه
وخذوا لترويجـه مصـادر وتوقيـت=ساعـة حـزن والمسلميـن مغبونـه
خذيت من شرع الولي لـك تثابيـت=مسلم ولا ترضـا حيـات المهونـه
بالله ودينـه والرسـول استعـزيـت=ومن ينصر الله شاف نصره وعونـه
ماعطيت لأفعـال الخبيثيـن تفويـت=الله يـعـزك خالـقـك ماتخـونـه
الحـق والاسـلام لـه ماتناسـيـت=قصر العداله مسكنـك فـي ركونـه
ايمان في صـدق الفعايـل تحليـت=الخلق فعلـك شاهـده فـي عيونـه
ومن الوفا بعـروش شعبـك تعليـت=وبينك وبين الشعـب بالفعـل مونـه
سحب السفير من الدنمـارك تثبيـت=وظنك يابو متعـب يطابـق ظنونـه
تدعي لك الاسلام ياطيـب الصيـت=حيثك حريـص ٍ باعتـزازه وشونـه
بالعدل بين الناس والحـق وصيـت=مبـداك واظـح كلـهـم يفهمـونـه
ياما علـى شـان المواطـن تعنيـت=حـرصٍ علـى توفيـر مايرغبونـه
افعال ماهـي اقـول فيهـا تفاويـت=قصـر العدالـه عاليـاتٍ حصونـه
نطلب من اللي قدرته تحيـي الميـت=شخصك يطـول الوقـت مايفقدونـه
شعبٍ معك وافـي علـى ماتمنيـت=وفـاك والاخــلاص مايجهلـونـه
لو رددوا شيـن الكـلام الشواميـت=اللـي لهامـان الرجيـم معنـونـه
الكـذب خيبـه والـردا للسرابيـت=اللي جميـل اهـل الوفـا ينكرونـه
اللـي جداهـم دون الافعـال ياليـت=ومن العـداء تاخـذ لقصـده معونـه
الشعب صاحي مايطيـع التصاويـت=من ناس تشكي مـن تزايـد جنونـه
من العدو تبي المعـزه مـن الهيـت=اللـي شكـا لعـداه زادت غبـونـه
وعلى النبي بختام الابيـات صليـت=وعساي من اللـي سيرتـه يتبعونـه
آخر المواضيع
حييـت ياستـر الرعابيـب حييـت 
لا يوجد توقيــع في الفتره الحاليه .. راجعنا لا حقاً
