بديت بذكر من تطلـب عبيـده=ارضاه ورحمته عمـت عبيـده
بعد ذكر الولي هاضت قرايـح=ضمير الشاعر وقـال القصيـده
قصيده مالها وضـعٍ مخصـص=تطـرق لـه مواضيـعٍ عديـده
مـدام الشعـر لامنـي بديتـه=ان زال الـهـم ولا مايـزيـده
فباخذ لي معه لحظـات سجـه=واقـدر خوتـه وافـك قـيـده
انـا شاعـر قنـوع بمـا تهيـا=من الجزلات واتعـب للفريـده
ولاكن شـرط لامنـه عطانـي=يقدرنـي ولا يعطـي زهـيـده
انا من عادنـي جاهـل وقـدن=يرجل عاقل وقاف الشعر اجيده
هويت الشعر من عصر الطفوله=ونشبت من المحبه في وريـده
وهـو بادلنـي الـود وتعـهـد=لي انـه مايخلـي لـه شريـده
وسلـم لـي مفاتيـح القصايـد=وقال الشعر فيدك وانـت فيـده
نعـم تستاهـل اتسمـى مميـز=وتاج الشعـر تاجـك ياعميـده
فقلت اخجلتني ماذيـب مدحـه=آخاف اغتـر وتسيـر تعويـده
انا قبلـي فطاحلـت القصايـد=تجيـك ابياتهـم جزلـه مفيـده
بعضهـم لاهـداه الله وغـنـى=.يليّن بيته اطراف الحديـده !!!
يجيب البيت فيه الفيـن معنـى=وازيدك شاعر ويسـوى بديـده
وانـا مانيـب لاتالـي ولا اول=انا شاعر ويشهد لـه رصيـده
انـا ماهمـنـي والله شـهـره=لجل تلفـاز ولا فـي جريـده
ولا همـي بعـد لاقلـت بيتـي=تقول الناس عيد البيـت عيـده
انا قصدي فقط بعض الخلايـق=اُنـاسٍ عاشـت الدنيـا بليـده
تجنب عن طريقي قبل لازعـل=وابادل من مشى بالكيـد كيـده
وصلت اقصااااي ماعاد اتحمـل=فمن احـذر فقـد انـذر كنيـده
وانـا حذرتهـم لحـدٍ يعااانـد=ويفطر عينه من الـزود بييـده
نصيحه يابليـد ارفـق بنفسـك=ترا عندي لـك علـومٍ جديـده
لاتتعب نفسك بنفسـك وتجهـل=تفاخر عندك أن نفسـك عنيـده
نصيحه : هد روحـك لاتزايـد=وركد فوق راس بليـس حيـده
فكانك تحسب انك راس همـي=فلنا بسيد الشعر ولنتـه بسيـده
الووم الناس واثر الناس مثلـي=تلوم اللي تـردا عقـب جيـده
لكن باغيّـر الموضـوع منـك=مدامك صرت يالطارد طريـده
مدام انّي على نهج افتخـر بـه=فأنـا ماهمنـي سيـدك وسيـده
انا شاعر مفكر لـي اسلوبـي=طموحـي للمواضيـع الفريـده
احبك البيت وجـزال المعانـي=وتقرب لي ليـا فكـرت بييـده
ولا اسوي قصيـده دون معنـى=وانضمها لجـل كلمـه وحيـده
لا والله مأشعر الا فيـه حاجـه=تشـب بداخلـي نـارٍ وقـيـده
أو امدح لابتـي فيهـا وأعـدد=فعايلهـا مواقفـهـا المجـيـده
أو اهدي للوطن قمـة عطائـي=وعرفـان لحكومتنـا الرشيـده
أو انصح من قبل مني نصيحـه=ولا انصح كون باشيـاءٍ مفيـده
أو امدح صاحبي لاحل ذكـره=وأقول الّّزم عسى ايامك سعييده
طراة الشاعر اليـا منـه غنـى=يجيب البيت يسـوا لـه نشيـده
وانا من عادتـي لاقلـت بيتـي=اخلـي بيتـي اسنينـه مديـده
ولا اعارض ابن آدم في قصيدي=واقول ان ذا هبل وان ذا وليـده
اروح بفالـي وكـلـن بفـالـه=وأعيّـد عيـدي وكلـن وعيـده
ولو بالغت في مدحي لروحـي=على غم الحسود المدح ازيـده
والى منه انتقدني قلت عااااااادي=باعيده ثـم باعيـده ثـم باعيـده
على غمك على الغمـة تعلـى=قدم رجلـي بخطـواتٍ حميـده
ياربـي كفنـي زلـت لسانـي=ولا يمسك علي كلمـة زهيـده
بديـت بذكـر ربـي والنهايـه=بذكر اللي تصلـي لـه عبيـده
آخر المواضيع
صالح آل مانعه / الفـــريده 
