قصيدة ابن جدلان ((الطويلة)) ومجارة الشاعر محمد بن عباد لها

يا الطويله و الله إن حالك ما هوب ارضللّي = أنتي المرضانه و أنـا كنـي المرضانـي
يا القبال الرحب فطرة صايـم ٍ و مصلّـي = كل ما طالعـت بـه سميـت بالرحمانـي
كل ما قامـت تلفـت لـي خذتنـي كلّـي = فـي تصفحهـا تـدور لـي و لا تلقانـي
لو يمرونك هـل البـل و الحـلال مفلّـي = شخصوا بأبصارهم فـي طفّـح الربانـي
يا ما شا الله كان و الشيطان عنك يولّـي = يا السبال الضافيـه و الخـد و اللحيانـي
و السنـام المنفهـق و العاتـق المنتلـي = وغارب كنـه يبـي يطلـع سنـام ثانـي
ما سرح بك من يقول إن الضياح ابل لـي = كود هجن ابن الكبير و شويـة السبعانـي

الطويلة يا سعـد عنهـا الخـلاف يولّـي = شفتها قبل أمس يا الله ان تخزي الشيطاني
أحسبن انها الصايرة و لا القمـر متجلـي = لونها لون القمـر و حجوزهـا ضلعانـي
ويش أقول من المثل في وصفها و أخلـي = بعد ما حازت روائع و صف بن جدلانـي
و الطويلـة للوصـوف الكاملـة تحتلـي = تستحق المـدح بلسانـه بعـد و لسانـي
الشنـاح الطافـح اللـي رأسهـا متعلـي = كنّها تبغى تناوش من السمـا غرضانـي
كاسي الأمتان منها مثـل وصـف الزلـي = كـن بيـن كتوفهـا لا ناحـرت بيبانـي
و السنام الفاهـق اللـي للوبـر مشتلـي = زامي ٍ كاسيـه مثـل عمامـة السودانـي
زاهي من بين وضـح ٍ شوفهـن يسلـي = تستحق المدح و التوصيـف و الأثمانـي
و الفحل في نحورها مثل السناف مطلـي = ممن ٍ خـوف الطيـاح بهدرتـه عليانـي
هدرته تجمـع شتـات دقاقهـا و الجلّـي = مثل دندان الرعـد فـي صـادق الودّانـي
شامخ الغـارب سنـاد و مهدلـه متدلـي = و ان قفيته قلت عرضه و القفـا سيّانـي
قالط في نحور وضـح ٍ لامرهـا متولـي = شيخ قـوم ٍ ظاهـر يستقبـل الضيفانـي
قالـط بنحـور ربعـه بالضيـوف يهلّـي = يآخذ علوم الطروش و يفـرض الحقانـي
في الحفر حفر الشمال إلى ضواحي سلّـي = نادر ٍ شكل الطويلـه و الفحـل عليانـي

اشكر اختي صفوفوه
على هذا التوقيع الراائع