هذه القصيده ارسلها فخر قبيلته والظاهره الشعريه / سعدبن جدلان الأكلبي
لمتعب ابن مثعي الغربي العتيبي رحمه الله.
تجهز وعزم بالسفر ياحديد العين = على الموتر إلي ينعش القلب فالمشوار
ماطب المناطق ينقل أهمول بساطين = ولاسوقوبه سوق حج" وسوق أشرار
مضرا" على قطع الفيافي مع الساطين = وهو مانقلب زيته ولا أهتزبه مسمار
على لوحته مكتوب مملوك جبارين = وهوما تسلم طارته كود مع جبار
لامنك عطيته ثالثا" بعد ترس اثنين = تناهض تقل حربية" هزها الطيار
تقابس قزوزه باللهب لانس البنزين = تقول المقبس لانقطع من خشوم قصار
ولاضحى الضحى ليكم من المنطقه ماشين = وتلفون في أم سليم مع تالي النهار
ولاجيت ساجرمن شمالا" تلف يمين = ولاجيت ساجر من جنوبا" تلف يسار
وبدل ماتنشد قبلك البيت قد العين = بيوت الشيوخ إلي تباشربها الخطار
بيوت آل مثعي كلهم في الطلب وافين = ولادنى سديد وكلهم في اللزوم خيار
ولوتنشدون بكل لاقطار معروفين = وعلم الحياء والطيب تبدي به الاذكار
وسلم على متعب وقل كل شيء زين = لكنا نبي جيتـك ياوافي الأشبــار
رقبناك في الموعد وباقي عليكم دين= ترى موعد الاحرار دينا" على الاحرار
آخر المواضيع
قصيدة مرسلة من سعد بن جدلان الأكلبي إلى ابن مثعي الغربي العتيبي 
