عالم(ن) ثــاني ؟! (مُصافحة أولى لِقلوبكم)

غريبٍ يا زِمن قاسي .. حـروف الـودِ مَلهاتـه=تِقولِبنا كما اللعبـة مِـن الواحـد الـى الميـه
و تِتلذَذ بِنا .. كِلمة .. عَجزت أوصف بهـا ذاتـه=بعـد مـا تنهـي اللعبـة تـرد بأرقـام سلبيـه

تِظن تجي لِنا أيام .. و نِنسى الشوق .. و أوقاته=تِظن يمر فينا الوقت .. و نِلقـى مِثلـه و زَيـه
نواري نَفسِنا .. بخيبه .. و مِنا تهِل .. عَبراتـه=حسايف يا زَمن عَدى .. على قَلـبٍ ذِبـل ضيـه
تِقول إني غَريبة حال .. أسيـرة فـي متاهاتـه=و اني قاسية بالحيل .. و لا ارفـق بـه اشويـه
انا يا مـن تجرحنـي .. اذوب بصمـت نظراتـه=و يوم إن البعد نادى .. خفوقـي للهجـر عيـه
اموت و لا يفارقنـي .. و لا تهجرنـي لَحظاتـه=مَكانه دنيتي .. فيني .. قريب امن الهـوى ليـه
و لكِن قادني الخافي .. لِبحـرٍ غِلـق سَكراتـه=بليد و لا شعورٍ فيه .. و ارضه .. ميتـه حيـه
اتوه من الوله و اعشق .. كلامه و اعشق سكاته=و احب العالم بعينـه .. و شوقـه ساكـنٍ فيـه
جبرني وقتي الظالم .. اسايـر مـوج .. حالاتـه=و ادمر حلمـي بيـدي .. كأنـي كِنـتِ مَعميـه
ابيه يرد لي و المـس .. غـرامٍ ينبـض بذاتـه=عسى لو كانِ طيفٍ مَر .. بعيني بـان و تهيـه
اسرني عالـمٍ جـارح .. صعيـبٍ فـي ملذاتـه=و انا مثل البشر اخطي .. و لانـي منـه معفيـه
و لكن لـي أمـل بالله .. بعـد اسمـه و آياتـه=يجردني من ذنوبي .. و اطوي محنتـي .. طيـه
طُقـوس العالـم الثانـي بأفكـاره و نزعـاتـه=ابد ما عاد تغرينـي .. و لا تتـرك أثـر .. بيـه
ابي ارجع و اتغيـر .. و احـس بكـل نبضاتـه=و اعيش بعالمـي طِفلـه لهـا احـلام ورديـه
يجيني يلمـس كفوفـي .. يلملمنـي بضحكاتـه=و ياخذنـي معـه لشـوق و يملانـي بحنـيـه
حياتي مُذهلـه فينـي .. بكلماتـه .. و نبراتـه=و اكثـر مـا يحليهـا بأنـا نصـدق .. النـيـه
و لو غرر بنا هالكون .. و بعثـر فينـا اشتاتـه=مراسي شوقنا تبقـى .. ضلـوع الـود محميـه

و سلامتكم ،،
بـــ فرشاتي// جُ ـــــنون الشعر

ديواني في موفنــــــــ ( اضغط )

اللهم ارحمني بالقرآن واجعله لي اماماً ونورآ وهدى ورحمه
اللهم ذكرني منه ما نسيت وعلمني منه ما جهلت وارزقني تلاوته آناء الليل واطراف النهار واجعله لى حجة يارب العالمين

اشكر اختي صفوفوه
على هذا التوقيع الراائع