مقتطفات من شعرمحمد الجار الله السهلي

وشلـون اغنـي لا نشـف ريـق الالـحـان=وشـلـون ابكـتـب والمعـانـي بخيـلـه
في مـوت اميـر قلـوب ومعلّـم اذهـان=وريــث مـجـد آل الصـبـاح وسلـيـلـه
مفـنّـي حيـاتـه بالمـكـارم والإيـمـان=العـادل الـلـي راح مــا بــان ميـلـه
حتـى خبـر موتـه قبـل صــوت الاذان=كـنـه يصحّيـنـا لـكـسـب الفضـيـلـه
يـا جابـر العـثـرات والـدمـع هـتّـان=لـيـت الـدمـوع تــرد خــل لخليـلـه
يـا سيـدي مـت ومعـك مـات نسـيـان=طيـبـك وقــدرك والفـعـول الجليـلـه
غبـت وبقيـت لطيبـة القـلـب عـنـوان=وغبـت وتركـت الخيـر يفقـد عميـلـه
وغبت وحكت (الابراج) عن حزن (دسمان)=وسيّل دموع (السِيـف) حـزن (المسيلـه)
ورغم اختـلاف الشعـب بعـروق واديـان=فــي حــب جـابـر كلبـونـا قبيـلـه -

عـلّ السحـاب يهـلّ مـن آب لا آب=علـى قبـر فهـد الجزيـره ويسقـيـه
اللي مـرض وقلوبنـا حولـه اسـراب=ومـات ودعاوينـا لـربـه تخـاويـه
وسع حرم / طبع كتب / حارب ارهاب=ومكـه وطيبـه تفتخـر فـي مساعيـه
مثلـه يغيّبـه القـدر ميـر مـا غـاب=ومثله يمـوت ولا يمـوت الفخـر فيـه

هـذي الكويـت وخـل فـراغ وحـط بعـده نقطتـيـن=واكتـب ( عـبـاره ) تعتـبـر وصـيـة ٍ لاجيالـهـا
( اكبـر نِعـم رب العبـاد انــه خلقـنـا مسلمـيـن=وانـه جعـل الكويـت ديرتـنـا وحـنـا عيالـهـا )
دار السـلام اللـي تحـب انّــا نـكـون مسالمـيـن=لانهـا اذا ضاقـت تعـرف شلـون فـعـل ارجالـهـا
في كل صبـح وبحرهـا يحكـي لـك بشـوق وحنيـن=عن هيّة ( الرقـه ) وكيـف المـوج ( قبّـل ) جالهـا
و ( القصر الاحمر ) علم الاجيـال وش معنـى عريـن=دامـه يعبـر لـك عـن ( الجهـرا ) وفعـل ابطالهـا
تاريخ .. والتاريخ يحفـظ .. واسمعـوا يـا الطامعيـن=ذي دارنـا .. وآمالنـا ..واحوالنـا .. مــن حالـهـا

الذيابـه مــا تـخـاوي كــود ذيــب=و(الثعـل) شــرواك عـنـه تعتـلـي..
فلاتحـاول تعتـبـر نفـسـك صحـيـب=لان هالصحبـه تـرى عيـبـن عـلـي..
ذاكـرك ضيقـي مـع اللـيـل الكئـيـب=ولا تظـن ذيــك السحـابـه تنجـلـي..
خلهـا على الولـي.. والعيـب عيـب=واستـرح وارتــاح .. يا عبد الولي ...
وكان ( رمياتـك ) مـع غيـري تصيـب=فعرف ان العيب ما يصيـب ( سـهــلـي )..

تبت يدين الصبر لا طالت شهوره =ما هي بسهله سنه ناطر على اعصابي
قدام عيني تطيح احلام .. مقهوره =يا رقة القلب .. ويش القلب .. سوّابي
ماني مكمل ياهمي دام مستوره =بيني وبينك ( قصيدي ) واعتق اسرابي
لان ( الشعر ) لا طرالي جفت بحوره !=واحس كنه يموت بـ صفحة كتابي !!

ماتهز الريـح غصـنٍ لارتجافـه=ينكسر صوتي ! وتستاحش يميني !
كل مامر المسـا صـدري وحافـه=قلت له والشمس مشرقها جبينـي :
من مشت رجله على درب السخافه=طاح من عقلي قبل قلبـي وعينـي
الرجل لاصار مابـه ديـن : تافـه=والعدو لاصار يعجبنـي : خدينـي
والفشل لاصرت ترضى بالوصافه=وانـت قـادر تستبـد وتحتوينـي
وكان انا من لاربـط فعلـه بقافـه=جعل تبكيني عيـون اللـي يبينـي .

سلمت أمري إليه وطحـت متواسـي=إلين ماصار شـي ٍ مـا تصوّرتـه !!
حبيبتي .. كيف اكذّب حزني وياسـي=لو العذر يعـذرك قبلـك تعذّرتـه !!
الله يسامحك .. ما قدّرتـي احساسـي=وانا على شانك .. الاحسـاس قدّرتـه

خلـك علـى خبـري وظنـي وهقـواتـي=خابرنـي الضيـق والضيقـات خابـرهـا
وسّـع لـي البـال يـا سيّـد طموحـاتـي=ولا تغيّـر النظـره اللـي كنـت تنظرهـا
تقول : حـب البشـر طـوّق مساراتـي ؟=ابـك انـت حبـك مساراتـي يسيّرهـا !!