طيش صبيـــــاني

إلى كل من سمع طيفي .. يناجي همهمات النور=و يروي قصة الأحباب على أعتـاب حرمانـي
وينثر من بقايا الوجد .. عطورٍ طيبهـا منثـور=و يرمي من حلى ذاته مرايا حسـن رحمانـي
يكلمني و انا أسمع حكايا العاشـق المغـرور=يحكي و يا حلو حكيه عجيبه.. كيـف حاكانـي
أحس انّ الفرح ماليه و لكـن قلبـه المبتـور=حكا القصه بعلقمها وحكاها القاصـي والدانـي
يقوله: شفتها مره .. دانه .. في صحن بلـور=و بلا إدراك انا مني لقيـت احساسـي نادانـي
ينشد هذي الريمه ويطلـب طرفهـا المسحـور=و ذاب بناعس النظره يومـه طرفهـا اغوانـي
حسنها شي أذهلني ملامح من حنايـا الحـور=ربي .. أحمده .. ربي إذا من قربهـا اعطانـي
عجيبه !! كيف هالدنيا ؟؟ تغير حالنـا بالفـور=لقيت الدانه اللي لي تنهل مـن عشـق ثانـي
تحبينه و انا احبك .. و حبك في الحشا محفـور=بلحظة كنتي الأحلام وصرتـي منبـع اشجانـي
تصدني من هواها لين أمسى خاطري مكسـور=واردتني نواظرها .. مثل مـا حسنهـا اردانـي
عجزت اني أغيرها .. و احطم بيننـا هالسـور=واصارحهـا بإحساسـي واشاركهـا بألحانـي
قدرنا مختلف يمكن قدر كل(ن) عليـه مجبـور=و لكن ظلت الدانه !حلـم صافـي و أغوانـي
زوايا من مرايا الذات سكنها عشقي المغـدور=و باقي ما بقى مني رسمتـه خـادع اوجانـي
كتبت اشواقي في دفتر هواها حرفه المسطـور=و توجته على عرشي بقايـا طيـش صبيانـي