أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
أبي قلبك يحس انه فقد بمحبته رجال
ملكته من هدب عين وخسرت رضاه باهمالك
صحيح ان الفراق اقسى ولكن الوصال محال
أنا صعبن علي أرضي غرورك واضعف قبالك
بعد ما حققت عيني فبعدك للرقاد امال
أعود للسهر؟ -- يا خوي فال الله ولا فالك!
ببدل نظرتك فيني واجي لك كل يوم بحال
بكون اقرب من ثيابك عليك ولا تهيا لك
بلمك وانثرك واجمعك وارجع وانثرك باهمال
بخونك وازعلك وارضيك وازعل منك وارضى لك
أبرسم بالثرى وجهك وابدفن صورتك برمال
أبشكي للعرب فرقاك واضحك عند عذالك
أبهديك الوصال فراق واهديك الفراق وصال
بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك
نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا --- وابشر بعد بهبال حب ٍ ما هو بهبالك
واذا قصدك تهين اسمي عشان تشمت العذال
ترى لا انته ولا غيرك --- ولا عشرة من اشكالك
الثغر الخجول
ذوق ذوق ذوق ذوق
ذاااااائقه شعرية رااااائعه
اختيار موفق
احساس شاعري جميل
من اروع مانظم
المبدع حامد زيد
صح السانه
وسلمت اناملك
على النقل المميز
والاختيار الرااااقي
آخر المواضيع
رد : غدر الخناجر 
