البارحه سهران في هم وانكاد.......وهموم قلبي كل باب طرقته

البارحه سهران فـي هـم وانكـاد=وهموم قلبـي كـل بـاب طرقتـه
قامت توارد بـه جماعـات وافـراد=ومع كل فـج فـي طلبهـا وسقتـه
يالوف قلبي لوف صلفـات الانـواد=عشبه نشف عرقه وحتـت ورقتـه
يالله لاتسقي على بعـض الانصـاد=جدد علـي مافـات وانـزاح وقتـه
اسم توقف لي علـى كـل مرصـاد=اوحيه من غيـري ولـو مانطقتـه
ذكرني المجمـول مركـوز الانهـاد=اللـي جذبنـي بالغـرام وعشقتـه
واقفت به الصدفه على غير ميعـاد=وانـا تناوشـت الصبـوح ودفقتـه
ومن بعد حرت وصارت الرجل بقياد=اصبح عرف لحمق نتايـج احمقتـه
ياكثر ماجيتـه علـى غيـر ميعـاد=وأدرى عليه مـن النقيلـي ومقتـه
أجي وكنـي جاهـل لالقـى الـزاد=ينهـاه تخويفـه وتامـر اشفقـتـه
يتـوق لاشافـه شفـاوي ومنـقـاد=ويكف لاشـاف النواضـر احدقتـه
ان دمت في ذكره بتفكيـر واجهـاد=امـا دخلـت اشهـار ولا لحقـتـه
حضي كما اللي راح يـاذاك صيـاد=وأردف صقر عمه بذبحـة اسلقتـه
وجا يعتذر في ذبحه الطيـر لاعـاد=وصك السبيل ودلتـه مـن صفقتـه
وانا مثـل مـن يشمتـه كـل نقـاد=اللـي طبـخ فاسـه يـدور مرقتـه
وأفرحت لي خبل قضى وقته اعيـاد=ماذوقـه حـر المفـارق اعلقـتـه
قليل عـرف خامـل ميـت افـواد=لولا اهدومه مـن المـره مافرقتـه
السيـده دايـم تـسـوده وينـسـاد=لو يثنـي الكلمـة عليهـا اصفقتـه
ماعنده الا الهرج في عرض الأجواد=يالله ان تقل احـلاه ياللـي خلقتـه