قصيده للشاعر المرحرم مرشد البذال

شف ماترى ياقلب واكتـم سـدودك=عن واحد ياخذ سـدودك ويشنـاك
خلك على الدنيا تعيـش بسعـودك=مالك غرض في عرف هذا وهـذاك
علـى الخطايـا لاتقـوي جهـودك=العقل زين وسامـح اللـي تحـداك
ترى التسـرع بالخطـا مايـرودك=إلا بفعـل يخلفـك عـن نـوايـاك
لا تخلي الشيطـان دايـم يقـودك=ان طعت راي ابليس للشيـن وداك
خلك من الدنيـا نظيـف جـدودك=محد لسانـه فـي غيابـك تقفـاك
وليا مشيت الحق واجـد شهـودك=وليا هرجـت الحـق كـل توحـاك
لا بد مـن يـوم تقضـي حـدودك=لا تخلفك دنيـاك والموعـد هنـاك
خلك ليـا قضيـت تذكـر عهـودك=لا بد ما ترحـل وتقفـي مطايـاك
خل الذي ينصـى محلـك يـرودك=اليا شكى غيـرك تذكـر سجايـاك
خـل الفهامـه والعدالـه تسـودك=وليا حكمت الحق لا تظلـم إعـداك
بعض المصالح للمعاصـي تقـودك=وبعض المصالح يشهدن في خطاياك