الامـــيـر الـشــاعــر خـــالــد الــفــيــصــل

لا تملين الشعـر وانا القصيدة =صاغها من لوعة ايامي زماني
المعاني من غرابيلي جديدة =من عذابي لحنوا حلو الاغاني
كلما ونيت ردوهــــــا نشـيدة = واسمع جروحي تصيح بصوت ثاني
حرفي المجروح سامرهم يعيدة = كلما ودعت وجوهن لفاني
مع جميع الناس وافكاري وحيدة =شالوا الحاني وانا شلت المعاني
زلت الايام واحلامي بعيدة=والغريب يعذبة طــول الثواني
الحزن لاضاق في صدري شديدة = أبتسم لين يغبطني من لقاني
ياحبيبة شعري وغالي خريدة = اشتياق الروح ياداعي حناني
ياعروس في خيالاتي فريدة = زفها ركب الغرام الى مكاني
انتي والايام في وجهي عنيدة=والليالي سارية والعمر فاني

لايطـول غيابـك ثـم اخـذ عـلـيـه = لـو تـخـلـيـت عني عنك قـلبي تـخلى
العـذر والتعـلـل والـحكي مـا نبيه = مـن تـحـرك فـواده بالهـوى ما تغلى
طبعي الصبر لكن وش عليه ارتجيه = مـن طويل الصبر يعقوب وايوب ملا
دامني حي عطني وش بقى نحتريه = ما بي دموعك اللي عقب مـوتي تهلا
مـا بقى بالـعـمـر مقـدار مـا راح فـيه = كــل مـا زل يـوم بـالـعـمـر ولى
مـا يعرف الجمر مثل الذي يكتويه = احد يـدفـا بـناره واحـد فـيه يتصلى
يـا مـن القلب حطيته براحة يـديه = ما رضى لـه مكان غير كفك محلا
كـم تعذر وعيا عـن هـوى مهتويه = لـيـن طـاح بيمينك بالغرام وتـجلى

أستكثرك وقتى على وغدابك= عادة زمانى كل ماظاب هون
ليت الذي وداك يازين جابك = تشوف عقبك كيف الايام سون
شرق مشيت وغرب وقتي مشابك =والقلب ماله لايم فيك لون
عقب الهنا بك ذاق لوعه عذابك = تلونت دنياه ولا تلون
طويتني طي الورق فى كتابك = حتى معاليق الحشا لك تطون
أشتقت لايام الهوى فى جانبك = يوم الشموع بليل الاحباب ضون
واشتقت أقول لاهاتفك مرحبابك =وأشتقت لغيوم الصحارى تكون
عو ترى داع الهوى عند بابك = وأروى القلوب الى بعد ماترون
غنيت لك عمري ولاجا جوابك =واسمي مع مجنون ليلى تذون

لاهنت ياراس الرجاجيل لاهنت= لاهان راس(ن) في ثرا العود مدفون
والله ماحطك في القبر لاكن امنت= باللي جعل دفن المسلمين مسنون
منزلك ياعز الشرف لو تمكنت =فوق النجوم اللي تعلت على الكون
سكنت دار المجد ياشيخ واسكنت= شعبك معك في منزل العز ممنون
صنت العهد ياوافي العهد ماخنت= علمتهم وشلون الاشراف يوفون
كم ظالم(ن) عاداك واعفيت واحسنت= واخلفت ظن جموع ناس(ن) يظنون
شلت الأمانه حافظ(ن)ماتهاونت= شفنابك رجال(ن) على النفس يقوون
ياللي طلبه الملك بالحب زينت= عرشك بتاج قلوب شعب(ن) يحبون
لونت تاج الملك ماقد تلونت= ماغرك دنياك ماصرت مفتون
بالزهد والمعروف والصبر كونت= منهاج فيصل منهج اللي يعدلون
تلفتت روس المخاليق وين انت= وين العظيم وعود الشوف مطعون
كم خافق(ن) وقف عقب ماتكفنت= وكم ناظر(ن) ذوب سواده محزون
لو شفت حال الناس عقبك تبينت= مقدار حب الناس للي يودون
مما بقلبي قلت يابوي لاهنت= والا انت فوق القول مهما يقولون