هذا ردي على سؤال هذا العضو نفدااااااااااااااااه

جتنـي رسالـه غريبـه مـن زميلـي حبـيـب=يـقــول مـمـكـن تعـرفـنـا عـلــى الأكـلـبــي
قلـت أبشـر آجاوبـك مـن دون شـكٍ وريـب=لــو تحسبـنـي غـبـي تــراي مـانـي غـبـي
كـانــك تـعـجـب فلله الـعـجــب يـاعـجـيـب=وان كـان مـزاح لا يمـكـن تثـيـر اغضـبـي
انــا فـهـد لكلـبـي وأكـلـب سـلالــة كـلـيـب=وسلالـة الزيـر ابـو ليـلـى بـعـد وش تـبـي
انكـرم الضيـف ونـعـز الـخـوي والنسـيـب=ونـقـدر الـجــار ونـصـلـي صـــلاة الـنـبـي
ولصحابنا قلوبنا أبيض من بياض الحليب=صحبـة هـل العـز والطاعـه هــذا مكسـبـي
العـزوه اللـي لهـا فاليـوم الاقشـر نصـيـب=قــدام لـبـس المـنـاضـر والـغـتـر والـعـبـي
يوم الحرايب وعصب الروس عند القليـب=فـي ذمتـي مـا تسـاق الـبـل قـبـل تشـربـي
ياقف لها اللي نهار الهوش راسـه صليـب=حـتـى تعـاطـف تـحـت ضـلـه وذل اجنـبـي
يشهد لي الشايب اللي شاب قبـل المشيـب=اللـي كلامـه قلـيـل وصــدق عــاده صـبـي
والـيـوم حـنـا بحـكـم الـلـي يـفـك الطلـيـب=مـعـزبــك فـالـعـسـر والـلـيــن ومـعــزبــي
في دولـةٍ جعـل شمـس املوكهـا مـا تغيـب=اللـي حماهـا ولـد مـقـرن بسـيـف احـدبـي
يـوم المراجـل اصعيبـه فالزمـان الصعيـب=احـدٍ وصلهـا عـدي واحــدٍ وصلـهـا حـبـي
واللـي تركهـا غشامـه فـي شبابـه يشـيـب=وتعتـب عليـه العيـون الحمـر قبـل اعتبـي
والرجـل قـول وفعـل صـدق وكـرم يالبيـب=وديـن وشجاعـه وحلـم وعـرف ومجـربـي
والكبـريـا نـقـص فالـرجـال والــذل عـيــب=والكـذب والبخـل ضــد المرجـلـه ياعـربـي
والله يـالـولا الـثـقـه بنفـوسـنـا يالحـبـيـب=لكتـب ميـت بيـت مـن تاريـخ جـدي وابـي
هــذا كــلامٍ علـيـه اشـهـود مـاهـو غـريـب=واليـا ثبـت غيـر مـا قلتـه يـقـص اشنـبـي