قصيده للشاعر.... حسين الظفيري...(السيف)...
بديت في رب بعث سيدي الداع
وأقول يا أدعج يوم بدلت ذاتك
شالفايدة ما دمت عايف وبياع
وأرخصت غاليك بتالي حياتك
وركبت موج بقارب ما له شراع
مركب بعادك عن جميع أمنياتك
وطعت العذول وصرت للحكي سماع
وهذي ما هي يالقضي من صفاتك
وترى العمر ما هوب لعبة بالأصباع
والله ترى محد يسوي سواتك
عقب الغلا والحب وعمري الذي ضاع
كثرت بي لومك وزايد شماتك
وقلبي من اللوعات يضرب بالأضلاع
يقول هي سبة عناك وشقاتك
والعمر شبر بشبر ما يوصل الباع
واليا انفرد باعك تحقق شقاتك
ومن يشتري يا صاحبي كيف ينباع
يا حيف هذي هي معاني غلاتك
من عاف ماضيه ترى يالقضي ضاع
إحلم ولا تغرك علينا حلاتك
وتعال أنا بوصيك يا جزل الأطباع
وامطر بقاعك لين يزهر نباتك
الأوله يا زين من جاك خضاع
إحذر على عينه تكشف عباتك
واتطاوعه بالآمرك فيه لو طاع
ما تآمربه عقب تفقد نقاتك
والثانية يا صاحبي اقضب القاع
وفي قضبتك للقاع تضمن نجاتك
والثالثة لا تتبع القيل لو شاع
بين العرب يا صاحبي في عماتك
والرابعة إحصد إذا كنت زراع
وان ما حصدت اليوم خلاص فاتك
وقت الحصاد ولنت شاري وبياع
فقدت راس المال في مشتراتك
والخامسة إكفخ اليا صرت طلاع
يا شقوتي وارجع صدى ذكرياتك
وساسك يردك للمعزة والأرفاع
وقلبك دليلك هو قاضي قضاتك
وخله يحكم في كل أمورك والأ وضاع
وما ضنتي بالحق تثبت براتك
ويا كحيل أنا خابرك من دون مصراع
تدل دربك ما تضيع فلاتك
منقوووووووووووووووول
آخر المواضيع
محد يسوي سواتك 
