ياصاحبي سطام كثر الملامي=الناس بارت واكثر الخلق مقفين
بعطيك موجز واختصر في كلامي=التجربة في العمر تعطي براهين
لاتنخدع بالناس وقت الزحامي=مثلك خبير ويفرق الزين والشين
كم(ن) كريم من سلالة كرامي=ماينذكر بالطيب والناس دارين
لازم ينافقهم وياخذ وسامي=وسام هتلر يوم تقسيم برلين
وانا ما انافقهم علي الحرامي=الا ان يصير طويق في وسط بكين
السيف يجرح صاحبه في السلامي=والطيب خير من الردى والوفا دين
وحنا من العليا خذينا السنامي=شيوخ في نجد العريبه مسمين
وياصحابنا في البدو والدرب سامي=جينا عزيزين ورحنا عزيزين
ان صرت معكم الفشق والحزامي=الصاحب الوافي على العسر واللين
وان رحت حدتنا ظروفٍ جسامي=دنيا مشاغلها من اول وهالحين
لا تزعلون ان غبت وسط الاسامي=يمكن بدل سلطان ياتي سلاطين
والبعد فعله مثل قص العظامي=لا صارت الفرقا لناسٍ حشيمين
هذي تحياتي وجل احترامي=لاهل الوفا واللي على الطيب وافين
سلطان
آخر المواضيع
قصيدة موجهه لمنتدى البدو .. إدارة واعضاء 
