سألت جفني ليه يا جفن ما تنام
قال اسأل القلب الشقاوي لعله
يجاوبك لانه هالايام منضام
سألت قلبي قال الاحساس خله
واسأل زمانك لانه اسباب الآلآم
رحت اسأله شفت الزمن فيه عله
والاسئله تشبه تفاسير الاحلام
والحـلم ما تقدر تفسـره كـله
وان الليالي والثقافه والالمام
اقول لنجوم السما والاهلـه
ما ترفع الشاعر محطات الاعلام
ولا صوره على غلاف المجله
ما يرفعه الا مقامه ليا قـام
في موقف ما كل رجل يحله
والصحف لو جفت ما جفن الاقلام
سمع قلوب الحاسدين المغـله
وانا قبل عامين والا قبل عام
والشعر سيف لا تضايقت اسله
اركب الفكره على حسب الالهام
واخاف من بيت يجي فيه زله
آخر المواضيع
من اشعار حمدان بن محمد ال مكتوم (( الفزاع )) 
