السلام عليكم ورحمة الله وبركاته
ما كل من يضحك بدنيـاه مسـرور=لو ضحكته دايـم تحـرك حجاجـه
وما كل من يبكي من الناس مقهـور=بعض الدموع رخاص من شان حاجه
وما كل صادق لو حكا لك من شعور=يا كثر من زيف المشاعـر خراجـه
وما كل ما يخفا من السـر مستـور=بعض الوجيه ابين من ارهف زجاجه
وما كل بيتٍ بابه انصـك مهجـور=كم بيتٍ اطفا الشح واهـج سراجـه
وما كل وردٍ تزرعه ينثـر عطـور=لو ماه صافي مـا يخالـط هماجـه
وما كل مرهف قلب لو يزرع زهور=قلب يحب الورد وهو مثـل صاجـه
وما كل من يخطي من الناس معذور=البعض يخطي من علـوم العواجـه
وما كل من يسكت على الظيم مجبور=لجل الغلا ساكت ويدعـي انفراجـه
وما كل راسٍ ضيع الفكر مسحـور=كم راس سحرالحب!! جاب ارتجاجه
وما كل عله فادهـا طـب دكتـور=كم من عليلٍ وصل خله ؟! علاجـه
وما كل من شاور حكيمٍ خذا الشـور=بعض البشر مـا يقنـع الا مزاجـه
وما كل من سمي صقر يشبه صقور=كم من صقر وقت الشدايد!!دجاجـه
وما كل فـزاع لجـل مدح؟مشكـور=البعض مرجلتـه وسامـه وتاجـه
قصيده اعجبتني ولاأعرف اسم الشاعر
نقلتها لكم .
عسى ان ترتقي لحسن ذائقتكم الشعريه
تحياتي.
آخر المواضيع
ما كل من يضحك بدنيـاه مسـرور 
