يا القصايد لاتهابين السدودي ..دوك قافي والحروف الابجدية

يا القصايد لاتهابين السدودي = دوك قافي والحروف الابجدية
جيبي العيد وتفاصيلي وجودي = وفسري بعض المواقيف الخفية
ايه لي مده وانا حيلي مهدودي!= وحدي أواجه جماعات وسريه
ان غضيت الطرف وابديت الصدودي = زاد شر الناس .. كيه فوق كيه
وان تجاهلت وصفوني بالشرودي = وان تسامحت اشعلوها نار ..حية
كنّي مابين الذيابة و الاسودي = واحتراسي شي مفروضٍ عليه
ذاك يستنكر ويتتبع ردودي = يطعنن من باب غيرة او حمية!
وذاك بالسر يتوعّد بالوعودي = يحسب انه قادرٍ يلوي يديه
نوب يتأسف ويرسل لي ورودي= ويتعذر عن خطايا اوليه
ونوب يقبل شايلٍ قلبٍ ودودي=ونوب يقفي ويتمنالي المنية!!
ويوم جده يلتقي بآخر جدودي=اذكر ان جدي موصيني وصيه
قال لي يا البندري (خوذي عقودي)= وافهميها واحفظيها يا الذكية
ادمحي الزلة ليا جت من حقودي=اعتلي عنه كما نجم الثريا
لالفتك الزلة ابدي بالصعودي= اسفهيها واقفلي باب القضية
ولو ولد عمك خطا .. ابدي البرودي= احشميه يحشمك كل البقية
ما انتي اللي تنصفق منها الخدودي = ترفعين الراس في روحة وجية
جدي الله يرحمه خط لحدودي= والتزامي في كلامه مو خطيه
جاب علمه والوصايا والعهودي= قدها وقدود وعزومي قويه..