أخوي فراج تسلم على هالذوق الرفيع
وهذه إحدى أجمل القصائد التي سمعتها
وأنا من وجهة نظري إنها من أفضل القصائد التي قيلت في هذا العصر
وأنها خطت بماء من الذهب
وهي قصيدة من كلمات الشاعر / سلطان بن وسام الهاجري
وزادها روعه صوت المبدع / حمد بن عروان
أخوي ابن مكرز ابشر بعزك يالغالي هذه هي الروابط
للاستماع للقصيدة بصوت الشاعر
http://www.sadanajd.com/poem-2285.ram
للاستماع للشيلة
http://www.mergab.com/Shallat/Ya-Le7oon-El3ood.ram
للتحميل
http://www.mergab.com/Shallat/Downlo...oon-El3ood.rar
كلمات القصيدة
يالحـون الـعـود والا يامجـاريـر الربـابـه***إختلـف معنـى القصيـد وضيّـع الفنّـان فنّـه
حلم مدري علم مدري ولا نوض برقٍ فـي سحابـه***أثرهـا طلّة جبينه يـوم زاح الليـل مـنّـه
أقبلت مثل الفـرس لا سمعـت طبـول الحرابـه***مقتفيهـا ليـلٍ أســود والنـجـوم يفرقـنّـه
النهـار يمـر ويعـدّي وليلـه فــي عذابـه***النحـر صبـحٍ تجلّـى والجدايـل كنّهـنّـه ..
مخمـلٍ يلتـفّ حول الجيـد الأتلـع بالنيابـه***عن سلاسيل الذهب والمـاس خـوف يجرّحنّـه
غاب عنّي والولـه خـلاّه عنـدي فـي غيابـه***مادرى أن فرقاه نار!! ولا درى أن لاماه جنّه !!
ياوجودي وجد من صفّق علـى ماضـي شبابـه***بـان شيبـه والسنيـن اللـي يبيهـن خالفنّـه
غرّته خضر السنين وراح عمـره مـادرى بـه***غرّرنّـه وارفعنّـه لـيـن ســجّ وحولـنّـه
وياوجـودي وجـد عـودٍ لا عيـال ولا قرابـه***ماجـداه إلا يـونّ ويــردف الـونّـه بـونّـه
مالقـى فزعـة رفيـق ولا دعـاةٍ مستجـابـه***كلّ ماامسـى لـه بظـنٍ خيّبـت الايـام ظنّـه
هذا وجدي في غيـاب اللـي نـزح والله جابـه***صح فرض الله فـرض وسنّـة الرسـول سنّـه
الغلا جسـمٍ رقيـق ومرهـف إحساسـي ثيابـه***مثل غصن الـورد يـوم أن الهبايـب يطرقنّـه
مازرعـت إلا غـلاه ولا نقلـت إلا صـوابـه***والحشا ماضاق من خضـر الطعـون المستكنّـه
ياحبيبـي مازهـا كـفّ الخضـاب إلا خضابـه***فيـه نظـم المفـردات وفيـه للعشّـاق عـنّـه
الظبـي مالـه شبيـه وبينـك وبينـه تشـابـه***إلتفت بشويش وألقى فيـه منـك وفيـك منّـه
خالقك من فضّـل محمـد علـى كـل الصحابـه***وسخّرك مثل المهـار اللـي تسخّرهـا الأعنّـه
والثنا والشكـر للـي رحمتـه تسبـق عذابـه***لا لخلـق الله شـكـر ولا لخـلـق الله مـنّـه
قالـه اللـي ماخـذا ممـا يـريـد إلا هبـابـه***خيـرة الفـارس ثنيّـة خيـل صفـراً مستعنّـه
آخر المواضيع
رد : شيله/ يا لحون العود 
