انقل اليكم اعزائي هذه القصه الواقعيه التي حدثت مع الشاعر :سالم سيار العنزي
اليكم القصه والقصيده:-
أم مرتميه بجوار الرصيف تتوسد احذيتها وفي يدها الدواء..وكانت ليلة
بارده فسألها شاعرنا هل تحتاجين للمساعده فقلت نعم اريدك ان تأخذني
الى دار العجزه (وهو دار للمسنين اللذين ليس لهم احد يرعاهم)..فقال لها
لماذا....فقالت لقد طردني ولدي الوحيد بعد ان زوَجته ..اوصلها
شاعرنا وقلبه مفطور لما رآه و سمعه من هذه العجوز .................
فهاضت قريحته بهذه الابيات يرويها على لسان هذه الام المفجوعه:
معقوله تجي منك ترميني لاي انسان
××××××××××××××××××يلملمني ولا يلقى بعيونه كود دمعاتي
انا ماصدق انك انت تنهيني من الوجدان
×××××××××××××××××ترميني وانا شوف القبر نادا مسافاتي
كسَرني الشتا يا هيه وانت بهالحشا غفيان
××××××××××××××××تحملت الاسى والضيم عشانك يابعد ذاتي
انا امك انا امك حملتك والعذاب الوان
××××××××××××××××ولدتك والالم سكين يركز داخل لهاتي
زهملتك بعين وعين يشرب حزنها القرآن
××××××××××××××××وهزيتك وكان النور يتهزهز من دعاتي
وتذكر يوم مدرستك صدى وكفوفنا الحرمان
××××××××××××××××ورنيَت الصدى من فلس لثمته بطرف شيلاتي
وطولك من ركض فيني لمست بداخلي اوطان
×××××××××××××× وشفتك تبني بمجدك على اكتاف انكساراتي
كبرت وصرت بعيوني فارس واشهم الفرسان
××××××××××××××××وحلفت اني على عرسك لرَقص كل شيباتي
افا وشلون تتركني ويكحلني عمى النسيان
××××××××××××××××××وانت ادرى بيوم الحشر جنه تحت خطواتي
لك الله ما نطق فمي الا دعوة الغفران
××××××××××××××××ولكن خوفي ياوليدي من دعوات عبراتي
تدين اليوم وياخوفي باكر للاسف تندان
××××××××××××××××ويرمونك مثل امك وتذكر حلم شيباتي
للإستماع للقصيدة : http://www.dewanqtr.com/dewan/86.htm
------------------
وكان رد الشاعر نصار الظفيري على قصيدة العنزي (خطاب من الابن الى الام)
يا يمه ....................... ياليت نسمع ونقرا ونفهم
http://www.movn.net/n9aar_al_thafeery/fwat_al_awaan.ram
يا يمّـه .. منتهي جيتك وطالب منك الغفران
××××××××××××××××××××أقبـّـل قاعة أقدامك واغسلها بدمعاتي
يا يمّـه .. كل مافيني يناديلك أنا ندمان
×××××××××××××××طلبتك؟.. قولي سامحتك وردي لوجهي بسماتي
أنا أدري قلبك الطيب كسرته بصدمة النكران
×××××××××××××××××××غلطت .. وغلطتي هذي تعير كل غلطاتي
تشوفي الشيب يا يمّـه ترى ماجا وأنا فرحان
×××××××××××××××××××××وربي إلي رفع ذاتك ونزّل للردى ذاتي
فقدت الراحة من بعدك .. فقدت الطيبه والتحنان
×××××××××××××××××××بدونك .. راحتي غاية بدينك هذي راحاتي
أنا بعدك ولا حاجة أنا بعدك ترى عميان
×××××××××××××××××أشوف .. ولا أشوف إلي يوريني مساواتي
أنا وسيد الشّـقى والهم من بعدك غدينا أخوان
××××××××××××××××يجيب هموم هالعالم .. ويرميها بمتاهاتي
صدقتي .. يوم قلتيلي تدين اليوم بس تندان
××××××××××××××رميتك في بداياتي .. ورموني في نهاياتي
أنا من شالك بيده ورماك بأسفل البركان
××××××××××××××××نخيتيني .. وطلبتيني .. ولا حصلتي نخواتي
مثل ماهنتي بعيوني .. عليهم قلبي يمّـه هان
××××××××××××××××رموني وضعتهم فزعه .. وأنا الدمعات فزعاتي
يا يمّـه لا تظنيني أنا من فعلهم زعلان؟
×××××××××××××××××××سواتٍ فيك سويته وسوّو فيني سواتي
يا يمّـه .. يالله ظميني ودفيني بهالأحضان
×××××××××××××××××أنا أدري فيك مشتاقه .. وهمك بس ملاقاتي
يا يمّـه (حيييييييل) ضميني أبي أرتاح أنا تعبان
××××××××××××××××××تعبت أهرب من ذنوبي ابيك آخر مسافاتي
أبسمع منك أي كلمه .. لصوتك مسمعي ولهان
××××××××××××××××××أبسمع (يمّــه) بصوتك أبذكر فيها نشواتي
أشوفك ساكته يمّـه ؟!!.. غفيتي ولا أنا غلطان؟
×××××××××××××××××غفيتي يا بعد عمري؟.. تعبتي من مواساتي؟
يا يمّـه طالبك قومي .. إذا لي في عيونك شان
×××××××××××××××أشوف الموت بعيونك .. عساها تخيب هقواتي
تعالوا يا بشر شوفوا أنا محتار أنا تلفان
××××××××××××××××××أنا أمّي مدري وش فيها أنا مدري أنا أحاتي
شنو ؟؟ أمّي أنا ماتت !!! لا لا.. لا ترى غلطان!!!
××××××××××××××××××أنا أمّي ما تخليني على حزني ووناتي
أنا أمّي قلبها طيب ولا يمكن تبكي إنسان
×××××××××××××××××××××أنا أمّي ما تبكيني .. ولا تتمنى آهاتي
يا يمّـه صح ما متي؟ .. وصح الموت تو ماحان؟
××××××××××××××××××××إذا متي أنا بعدك أبقضي وين ساعاتي..؟
يا يمّـه قومي يا يمّـه .. وقولي الموت لا ما كان
××××××××××××××××××××××أنا جتيم وأنا ناوي أببدي فيك جناتي
تركتيني ومتي ليـه؟؟ تركتيني وأنا غرقان؟
×××××××××××××××××ولا مسموح يا وليدي!! .. ولا تلعنك لعناتي!!
أنا الجاني .. وأنا المجني .. وأنا المخطي .. وأنا الندمان
××××××××××××××××××وأنا بإيدي رميتك إيه .. وبعثرت أهم ملفاتي
وجيت من الهنا مفلس .. وقلبي من الضنا خسران
×××××××××××××××××××××تركتيني على ناري أعدد فيك زلاتي
ولاني مرضيٍ ربي .. ولاني تابع الشيطان
××××××××××××××××××××أنا بعدك ترى مابين نهاياتي وبداياتي
يا يمّـه منتهي جيتك وكلي مرتجي غفران
×××××××××××××××××××وشفت الناس تلعني .. وتحذرني من الآتي
وشكرا..........................................
آخر المواضيع
قصيده لسالم سيار ونصار الظفيري 
